মৰিগাঁও, 12 নৱেম্বৰ : ৰজা দিনীয়া প্ৰাচীন শিলৰ চাং উপ্ৰেক্ষিত মৰিগাঁৱত । সংৰক্ষণ অভাৱত হাবি-বননিৰে আৱৰি ধৰিছে মৰিগাঁৱৰ ঐতিহাসিক শিল চাঙৰ শিলচাং সমূহ ।
প্ৰচলিত জনশ্ৰুতি মতে প্ৰাচীন শিলচাং ৰাজ্যৰ ৰজাই এই শিলৰ চাঙত হবি ৰাজপৰিষদৰ বিভিন্ন ডা ডাঙৰীয়াৰ সৈতে বিভিন্ন আলোচনাত সমবেত হৈ আলোচনা কৰিছিল । মনকৰিবলগীয়া যে, ৰজাদিনীয়া এই শিলচাঙত নিৰ্দিষ্ট কৰি থোৱা শৈলাসনত নিৰ্দিষ্ট ডা-ডাঙৰীয়া সকলেহে আসন গ্ৰহণ কৰাটো আছিল ৰাজদিনীয়া উল্লেখযোগ্য পৰম্পৰা ।
কিন্তু এইহেন ঐতিহাসিক গুৰুত্বপূৰ্ণ স্থানৰ সংৰক্ষণৰ নামত কোনো ব্যৱস্থা গ্ৰহণ নকৰিলে চৰকাৰে ৷ অসম চৰকাৰৰ প্ৰত্নতাত্বিক সঞ্চালকালয়ৰ জৰিয়তে এই শিলচাং অধ্যয়ন আৰু সংৰক্ষণ বাবে এখন তথ্য ফলক আঁৰিয়েই দ্বায়িত্বভাৰ সামৰিলে বিভাগে ।
লগতে পঢ়ক : বঙাইগাঁৱৰ পদপথৰ ব্যৱসায়ীক ঋণ প্ৰদান ভাৰতীয় ষ্টেট বেংকৰ
