পথ দুৰ্ঘটনাত নিহত হেণ্ডিমেন

মৰিগাঁৱত অঘটন ৷ বাছত যাত্ৰী উঠাবলৈ ৰখাৰ সময়তে সংঘটিত হৈছে এক দুৰ্ঘটনা ৷ চালকৰ অমনোযোগিতাৰ বাবে দুৰ্ভাগ্যবশত এজন হেণ্ডিমেন সোমাই যায় বাহনৰ তলত । ফলত থিতাতে নিহত হয় হেণ্ডিমেনজন ।

মৰিগাঁও,2 মাৰ্চঃ ৰাজ্যত বৃদ্ধি পাইছে পথ দুৰ্ঘটনাৰ সংখ্যা ৷ এইবাৰ মৰিগাঁৱত সংঘটিত হৈছে এক ভয়াবহ পথ দুৰ্ঘটনা ৷ এই দুৰ্ঘটনাত প্ৰাণ গ’ল এজন হেণ্ডিমেনৰ ৷

ভূৰাগাঁৱৰ পৰা মৰিগাঁও অভিমুখে গৈ থকা এখন আল্ট্ৰা বাছে বাছনাঘটত যাত্ৰী উঠাবলৈ ৰখাৰ সময়তে সংঘটিত হৈছে এই অঘটন । মন কৰিবলগীয়া যে, চালকজনে যাত্ৰী উঠোৱা হোৱা বুলি অজ্ঞাতবশতঃ গাড়ী চলাওঁতে হেণ্ডিমেন গৰাকী বাহনৰ তলত পৰি থিতাতে নিহত হয় ৷ ইতিমধ্যে ভূৰাগাঁও আৰক্ষী থানাত ড্ৰাইভাৰজনে আত্মসমৰ্পণ কৰিছে । এই ঘটনাক লৈ মৰিগাঁৱত সৃষ্টি হৈছে চাঞ্চল্যৰ ৷

লগতে পঢ়কঃ বাঁহীবাদক প্ৰভাত শৰ্মাৰ দেহাৱসান