মৰিগাঁও,31 মাৰ্চ: ৰাজ্যৰ দ্বিতীয় পৰ্যায়ৰ নিৰ্বাচনলৈ মাজত এটা দিন বাকী ৷ এনে সময়তে বঙালী সম্প্ৰদায়ৰ লোকসকলক কংগ্ৰেছক ভোট প্ৰদান নকৰিবলৈ মুকলিভাৱে আহ্বান জনাইছে সদৌ অসম হিন্দু-বঙালী যুৱ ছাত্ৰ ফেডাৰেচনৰ ৰাজ্যিক সভাপতি অজয় ভূষণ সৰকাৰে ৷
বুধবাৰে মৰিগাঁও জিলা মিডিয়া ক্লাব প্ৰেক্ষাগৃহত সংবাদমেল সম্বোধন কৰি সৰকাৰে কয় যে, যিহেতু কংগ্ৰেছ চৰকাৰে আজিলৈকে হিন্দু-বঙালীসকলৰ কথা নাভাবিলে, গতিকে কংগ্ৰেছৰ প্ৰতি ভোট বৰ্জন কৰিবলৈ আহ্বান জনাইছে সংগঠনটোৰ সভাপতি গৰাকীয়ে ৷ ইয়াৰ পৰিৱৰ্তে বিজেপি চৰকাৰে জাগীৰোড সমষ্টিত হিন্দু বঙালীসকলৰ বাবে বহু উন্নয়নৰ কাম কৰিছে বুলি মন্তব্য কৰে সভাপতি গৰাকীয়ে ৷
লগতে পঢ়ক : অশোক কুমাৰ সিংহীৰ হৈ প্ৰচাৰ চলালে জে পি নাড্ডাই
