মৰিগাঁও,24 এপ্ৰিল: ৰাজ্যৰ বিভিন্ন প্ৰান্তৰ সমান্তৰালকৈ মৰিগাঁও জিলাতো উদ্বেগজনকভাৱে বৃদ্ধি পাইছে ক’ভিড ৰোগীৰ সংখ্যা । শুকুৰবাৰে মৰিগাঁও জিলা স্বাস্থ্য বিভাগৰ বিভিন্ন পৰীক্ষা কেন্দ্ৰত 2,634 গৰাকী লোকৰ ৰেপিড এণ্টিজেন টেষ্ট সম্পন্ন কৰা হয় । ইয়াৰে 54 গৰাকীৰ দেহত ধৰা পৰে ক’ভিড-19 ৰ অৱস্থিতি ।
উল্লেখ্য যে, মৰিগাঁও জিলা স্বাস্থ্য বিভাগে পহিলা এপ্ৰিলৰ পৰা শুকুৰবাৰলৈ জিলাখনত 23,763 গৰাকী লোকৰ ৰেপিড এণ্টিজেন টেষ্ট সম্পন্ন কৰে ৷ জিলাখনত শুকুৰবাৰৰ দিনটোলৈকে মুঠ 210 গৰাকী লোকৰ দেহত ধৰা পৰে ভাইৰাছবিধৰ অৱস্থিতি । মৰিগাঁও জিলা স্বাস্থ্য বিভাগৰ তথ্য অনুসৰি, ১৫ গৰাকী ক’ভিড ৰোগী সুস্থ হোৱাত তেওঁলোকক চিকিৎসালয়ৰ পৰা দিয়া হৈছে অব্যাহতি ৷
লগতে পঢ়ক: শিক্ষাৰ্থী ক’ভিড আক্ৰান্ত হোৱাৰ পিছত পৰীক্ষা বাতিল ডিব্ৰুগড় বিশ্ববিদ্যালয়ৰ
