মৰিগাঁও,29 এপ্ৰিল: ভূমিকম্পৰ মাজতে বুধবাৰৰ দিনটোত মৰিগাঁও জিলাৰ ক’ভিড আক্ৰান্ত ৰোগীৰ হাৰ নিম্নগামী হৈ 1.9 শতাংশলৈ হ্ৰাস পায় ৷ ক’ভিড আক্ৰান্ত 448 গৰাকী ৰোগীৰ ভিতৰত 66 গৰাকী ৰোগীক ক’ভিডৰ পৰা মুক্ত বুলি জিলা স্বাস্থ্য বিভাগে ঘোষণা কৰে । বুধবাৰৰ দিনটোত মৰিগাঁৱৰ বিভিন্ন ক’ভিড পৰীক্ষা কেন্দ্ৰত 1,222 গৰাকী লোকৰ ক’ভিড 19 ৰ পৰীক্ষা সম্পন্ন কৰা হয় । পহিলা এপ্ৰিলৰ পৰা জিলাখনত মুঠ 31,813 গৰাকী লোকৰ ৰেপিড এণ্টিজেন পৰীক্ষা সম্পন্ন কৰা হয় ৷ ইয়াৰ লগে লগে 448 গৰাকী ব্যক্তিৰ দেহত ক’ভিডৰ অৱস্থিতি ধৰা পৰে ।
উল্লেখ্য যে, মঙলবাৰে 61 গৰাকী লোকক ঘৰলৈ যাব দিয়াত বুধবাৰে জিলাখনত মুঠ ক’ভিড আক্ৰান্তৰ সংখ্যা 24 গৰাকী হয়গৈ । সম্প্ৰতি চিকিৎসালয়ত 13 গৰাকী ৰোগী চিকিৎসাধীন হৈ আছে । স্বাস্থ্য বিভাগৰ সূত্ৰত প্ৰকাশ পোৱা অনুসৰি, হোম আইচ’লেচনত থকা ৰোগীৰ সংখ্যা 428 গৰাকী । বুধবাৰৰ দিনটোত ক’ভিড সংক্ৰমণৰ হাৰ 1.9 শতাংশ হৈছে । পহিলা এপ্ৰিলৰ পৰা 28 এপ্ৰিললৈ এই হাৰ 1.4 শতাংশ বুলি সদৰী কৰে জিলা স্বাস্থ্য বিভাগে ।
লগতে পঢ়ক : মাজুলী, গোলাঘাট-হোজাইতো ভূমিকম্পৰ আতংক
