মৰিগাঁও, ২৪ ফেব্ৰুৱাৰী: বুধবাৰে প্ৰয়াত সাধুৰাম বৰাৰ সোঁৱৰণত মৰিগাঁৱত এখন স্মৃতি তোৰণ উন্মোচন কৰা হয় । মৰিগাঁৱৰ ভূৰবন্ধা মাধ্যমিক বিদ্যালয়ত 'প্ৰয়াত সাধুৰাম বৰাৰ স্মৃতি তোৰণ' উন্মোচন কৰে জিলা প্ৰাথমিক শিক্ষা বিষয়া তথা বিদ্যালয়সমূহৰ পৰিদৰ্শক ড০ কমল জ্যোতি গগৈয়ে । এই তোৰণ উন্মোচনী সভাত ভূৰবন্ধাৰ কেইবাজনো বৰ্ষীয়ান ব্যক্তি উপস্থিত থাকে ।
সভাত 'প্ৰয়াত সাধুৰাম বৰা স্মৃতি তোৰণ'ৰ দাতা অৰ্থাৎ পৰিয়ালৰ হৈ অনুৰাধা বৰা আৰু অৰ্চনা বৰা শৰ্মাই পিতৃৰ সামাজিক অৱদানৰ বিষয়ে চমু ব্যাখ্যা আগবঢ়ায় । প্ৰধান শিক্ষয়িত্ৰী মঞ্জু মেধি আৰু বিদ্যালয়খনৰ প্ৰতিষ্ঠাপক সম্পাদক তীখেশ্বৰ মেধিও উপস্থিত থাকে।
বিদ্যালয়খনৰ সভাকক্ষত অনুষ্ঠিত হোৱা এই উন্মোচনী সভাখনৰ আঁত ধৰে শিক্ষক তথা সমাজ সেৱক ৰমেশ কাকতিয়ে ।
বিদ্যালয়সমূহৰ পৰিদৰ্শক ড০ কমল জ্যোতি গগৈয়ে প্ৰয়াত সাধুৰাম বৰাই সামাজিক আৰু শৈক্ষিক দিশত আগবঢ়োৱা সেৱাক শ্ৰদ্ধাৰে স্মৰণ কৰি জিলা শিক্ষা বিভাগে গ্ৰহণ কৰা কেতবোৰ আঁচনিৰ বিষয়ে বক্তব্য আগবঢ়ায় ।
লগতে পঢ়ক:কোকৰাঝাৰত পাঁচ ছাত্ৰ ক'ভিড পজিটিভ
