মৰিগাঁও, 13 জানুৱাৰীঃ মৰিগাঁৱত জুবিন গাৰ্গ একাদশ বনাম মৰিগঁঞা যুৱ অগ্ৰণী মঞ্চৰ প্ৰীতি ফুটবল প্ৰতিযোগিতা ৷ মূৰত অসমীয়াৰ স্বাভিমান গামোচা মাৰি দুৰ্দান্ত ফুটবল খেলুৱৈৰ ৰূপত দেখা গ'ল জুবিনক ৷ প্ৰতিযোগিতাত বিজয়ী জুবিন একাদশ । আনহাতে, ফুটবলৰ মাধ্যমেৰে মৰিগাঁৱত জুবিনৰ নাগৰিকত্ব সংশোধনী আইন বিৰোধী আন্দোলন অব্যাহত ৰখা বুলি মন্তব্য কৰে যুৱপ্ৰজন্মৰ হাৰ্টথ্ৰ'ব গৰাকীয়ে ।
মৰিগাঁও খেলপথাৰত আনুষ্ঠানিকতা শেষ কৰি ৰাজ্যৰ তৃতীয় বিকল্পৰ ৰাজনৈতিক দল সন্দৰ্ভত জুবিনে কয়, "মই বিজেপি বেয়া পাওঁ । মই কংগ্ৰেছ বেয়া পাওঁ । মই এজিপিকো বেয়া পাওঁ । বিকল্প দল গঠনৰ সিদ্ধান্ত মই লম, সমুজ্জ্বল দাই ল'ব । ফুটবলৰ মাধ্যমৰে নাগৰিকত্ব সংশোধনী আইনৰ বিৰোধিতা চলি থাকিব বুলিও মন্তব্য জুবিন গাৰ্গৰ ৷ তাৰোপৰি জিএছটিৰ প্ৰসংগত স্বভাৱসুলভ মন্তব্য জুবিনৰ " ফাল্টু জিএছটি মই বছৰত 55 লাখ দিও মোক একো কৰিব নোৱাৰে ।"
উল্লেখ্য যে, গুৱাহাটীত চলি থকা "খেল' ইণ্ডিয়াৰ" থীম ছং সন্দৰ্ভত জুবিনৰ মন্তব্য খেলত সমৰ্থন সদায় থাকিব ৷ ইফালে মৰিগাঁৱত অনুষ্ঠিত হোৱা এই প্ৰীতি ফুটবল প্ৰতিযোগিতাত জুবিন একাদশে ট্ৰাইবেকা পদ্ধতিৰে বিজয়ী হয় ।
আৰু পঢ়কঃ যোৰহাটত থপিয়াই নিলে 4 লাখ, হাইলাকান্দিত ATM কাটি লুটি নিলে 27 লাখ
