মৰিগাঁও,10 ছেপ্তেম্বৰঃ ৰাজ্যত অব্যাহত আছে নাগৰিকত্ব সংশোধনী আইন বিৰোধী আন্দোলন ৷ ৰাজ্যৰ বিভিন্ন প্ৰান্তৰৰ লগতে মৰিগাঁৱতো বিতৰ্কিত আইনখন বাতিলৰ দাবীত বিভিন্ন দল সংগঠনে অব্যাহত ৰাখিছে প্ৰতিবাদী কাৰ্যসূচী ৷ বৃহস্পতিবাৰে মৰিগাঁৱৰ জাগীভকত গাঁও আঞ্চলিক ছাত্ৰ সন্থাৰ উদ্যোগত "CAA " বাতিলৰ দাবীত ৰূপায়ন কৰিছে ২৪ ঘন্টীয়া অনশন কাৰ্যসূচী ৷
ইপিনে CAA বাতিল নকৰালৈকে প্ৰতিবাদ অৱ্যাহত ৰখাৰ হুংকাৰ ছাত্ৰ সংগঠনটোৰ প্ৰতিবাদকাৰী ছাত্ৰ নেতাৰ। প্ৰতিবাদকাৰী সকলৰ স্পষ্ট কথা এইখন চৰকাৰে অসমীয়া জাতিক প্ৰতিৰণা কৰিছে। ইপিনে দুজন মান তথাকথিত শিল্পীয়ে দুমুখীয়া চৰিত্ৰৰ এতিয়া নাগৰিকত্ব সংশোধনী আইন খন মানি ল’ব খোজাটোৱেই অসমীয়া ৰাইজে CAA মানি লৈছে তেনে নহয় ।
এইখন চৰকাৰে অসম আৰু অসমীয়াৰ ৰক্ষাৰ কথা কয় কিন্তু ব্ৰহ্মপুত্ৰৰ গৰাখহনীয়াৰ কবলত পৰি বিশ বছৰ ধৰি মথাউৰিত থকা লোকসকলৰ সংস্থাপন বিষয়ে এবাৰ চিন্তা কৰিলে নে এনেবোৰ প্ৰশ্নৰে চৰকাৰক ক্ষুৰধাৰ সমালোচনা কৰে ছাত্ৰ সন্থাৰ সদস্য সকলে । সেয়েহে 2021 চনৰ বিধানসভা নিৰ্বাচনত অসমীয়া মানুহে শিক্ষা দিব বিজেপি চৰকাৰক বুলি কটাক্ষ কৰে প্ৰতিবাদী ছাত্ৰ নেতাই ।
লগতে পঢ়কঃ গৰাখহনীয়াই গ্ৰাস কৰিছে মৰিগাঁৱৰ বৃহৎ অঞ্চল
