মৰিগাঁও,4 নৱেম্বৰঃ বুধবাৰে অসম মৈত্ৰী আঁচনি জৰিয়তে নিৰ্মাণ কৰা জাগীৰোড আৰক্ষী থানাৰ নৱ নিৰ্মিত ভৱনৰ বন্তি প্ৰজ্বলন কৰাৰ লগতে ফিটা কাটি উদ্ধোধন কৰে মুখ্যমন্ত্ৰী সৰ্বানন্দ সোণোৱালে ৷ লগতে তেওঁ কয় যে, ৰাজ্যৰ আৰক্ষী বিভাগক অধিক কাৰ্যক্ষম আৰু গতিশীল কৰাৰ বাবে এই আঁচনি গ্ৰহণ কৰা হৈছে ।
উদ্ধোধনী অনুস্থানটোত সাংবাদিকেৰে হোৱা বাৰ্তালাপত মুখ্যমন্ত্ৰী সৰ্বানন্দ সোণোৱালে অতিশীঘ্ৰে অৰ্ণব গোস্বামীক বিনা চৰ্তে মুকলি কৰি দিবলৈ দাবী জনালে ৷ ইপিনে মহাৰাষ্ট্ৰ পুলিচে অৰ্ণব গোস্বামীক গ্ৰেপ্তাৰ কৰা কাৰ্যক তীব্ৰ ভাষাৰে গৰিহণা জনাই মুখ্যমন্ত্ৰী গৰাকীয়ে কয় যে, এইয়া গণতন্ত্ৰ চতুৰ্থ স্তম্ভৰ ওপৰত আক্ৰমণ কৰা হৈছে ।
উক্ত উদ্ধোধনী অনুষ্ঠানত জাগীৰোডৰ বিধায়ক তথা ৰাজ্যিক মন্ত্ৰী পীয়ূষ হাজৰিকা,মৰিগাঁৱৰ বিধায়ক ৰমাকান্ত দেউৰীৰ সহিতে অসম আৰক্ষীৰ শীৰ্ষ বিষয়া সকলো উপস্থিত থাকে।
লগতে পঢ়কঃ ধেমাজিত AJYCP ৰ যোগান মন্ত্ৰী ফনীভূষণ চৌধুৰীৰ প্ৰতিকৃতি দাহ
