বাইহাটা , 12 মে' : বাইহাটা চাৰিআলিৰ মদনপুৰত শনিবাৰে নিশা এটা অগৰু উৎপাদন কৰা কাৰখানাত চাংসাৰি আৰক্ষীয়ে অভিযান চলায় ৷ এক গোপন সূত্ৰৰ পম খেদি আৰক্ষীয়ে নিশা হঠাৎ চলোৱা অভিযানত দুখন বিলাসী বাছৰ লগতে বিভিন্ন সা-সৰঞ্জাম জব্দ কৰে ৷
অগৰু উৎপাদন কাৰখানাত আৰক্ষীৰ অভিযান
উল্লেখ্য যে বহু দিনৰ পৰা এই কাৰখানাটোত বৈধ নথি পত্ৰ নোহোৱাকৈ অগৰু উৎপাদন কৰা হৈছিল ৷ কোঠা এটাৰ ভিতৰত আঠটাকৈ গেছ ষ্টোভ জ্বলাই অগৰু উৎপাদন কৰি আহিছিল ৷ লগতে কোঠাটোৰ ভিতৰত সংলগ্ন কৰি ৰাখিছিল ৱাই ফাই যুক্ত চি চি টিভি ৷ দণ্ডাধীশ সুৰজিত বৰাৰ উপস্থিতিত অগৰু উৎপাদ কৰা কাৰখানাটো চীল কৰা হয় ৷
