মৰিগাঁও, 14 নৱেম্বৰ: আজি শিশু দিৱস (Childrens Day) । পণ্ডিত জৱাহৰলাল নেহৰুৰ জন্মদিন উপলক্ষে প্ৰত্যক বছৰৰ 14 নৱেম্বৰৰ দিনটো সমগ্ৰ দেশত শিশু দিৱস হিচাপে উদযাপন কৰা হয় । এই উপলক্ষে আজি ৰাজ্যৰ ভিন্ন স্থানত শিশু দিৱসৰ লগত সংগতি ৰাখি শিশুসকল লৈ অনুষ্ঠিত হয় বিভিন্ন কাৰ্যসূচীৰ (Childrens Day celebrations in Assam) ।
ৰাজ্যৰ অন্যান্য প্ৰান্তৰ লগতে মৰিগাঁও জিলাৰ টেঙাগুৰি প্ৰাথমিক বিদ্যালয়তো দিনজোৰা কাৰ্যসূচীৰে শিশু দিৱস উদযাপন কৰা হয় । ইয়াৰ অংশস্বৰূপে বিদ্যালয়ত পুৱা দহ বজাত বন্তি প্ৰজ্বলন আৰু শ্ৰদ্ধাঞ্জলি অৰ্পণ কৰে টেঙাগুৰি প্ৰাথমিক বিদ্যালয়ৰ প্ৰধান শিক্ষয়িত্ৰী গৰিমা ডেকাই । ইয়াৰ পিছতে অভিভাৱক, পৰিচালনা সমিতি সমন্বিতে ছাত্ৰ-ছাত্ৰীসকলে এখনি সাংস্কৃতিক অনুষ্ঠানৰো আয়োজন কৰে ৷
সাংস্কৃতিক অনুষ্ঠানটো উদ্বোধন কৰে মণ্ডল সমল কেন্দ্ৰৰ বিষয়াই । দুপৰীয়াৰ ভাগত হস্তকলা প্ৰদৰ্শনী দ্বাৰৰ শুভ উদ্বোধন কৰে মৰিগাঁও জিলা সৰ্বশিক্ষা অভিযানৰ শিক্ষা আচঁনি বিষয়া ৰাজেন গোস্বামীয়ে । উদ্বোধক ৰাজেন গোস্বামীয়ে কণ কণ ছাত্ৰ-ছাত্ৰীসকলে অংকণ কৰা চিত্ৰ প্ৰদৰ্শন কৰি অভিভূত হৈ পৰা বুলি মন্তব্য কৰাৰ সমান্তৰালকৈ বিদ্যালয়খনৰ শৈক্ষিক পৰিৱেশ পূৰ্বৰ তুলনাত উন্নত হোৱাৰ বিষয়েও উল্লেখ কৰে ।
লগতে পঢ়ক: Children's day: শিশুৰ মানসিক স্বাস্থ্যৰ যতনৰ সময়ত কি কৰা উচিত-অনুচিত জানো আহকচোন
বিদ্যালয়খনৰ শিশুসকলৰ এই বিশেষ দিনটোৰ উপলক্ষে বিভিন্ন কাৰ্যসূচীৰ আয়োজন কৰা দেখা গ’ল । নৃত্য-গীত, কবিতা আবৃত্তি আদিৰ মাজৰে আজিৰ শিশু দিৱসটি উদযাপন কৰা লগতে কণ কণ শিশুসকলৰ দ্বাৰা এখনী সাংস্কৃতিক শোভাযাত্ৰাও বাহিৰ কৰে । শিশু দিৱসৰ কাৰ্যসূচীৰ লগত সংগতি ৰাখি জিলা মিডিয়া ক্লাৱ, মৰিগাঁৱৰ সভাপতি ৰাতুল ডেকাই আগবঢ়াই বক্তব্য ।
শিশু দিৱসৰ কাৰ্যসূচীত অংশগ্ৰহণ কৰে বিদ্যালয়খনৰ পৰিচালনা সমিতিৰ সভাপতি খগেন বৰদলৈ, সমাজ সেৱক খিতেশ্বৰ বৰদলৈ, সোমেশ্বৰ পাটৰকে আদি কৰি বহুকেইজন আগশাৰী ব্যক্তি। অনুষ্ঠানটোত সংবাদকৰ্মীসকলকো আদৰণি জনোৱা হয় ।
লগতে পঢ়ক: Google Doodle: Doodle for Google ইণ্ডিয়াৰ প্ৰতিযোগিতাত উজ্বলিল কলকাতাৰ ছাত্ৰ
