মাজুলী,14 জানুৱাৰী: আজি ভোগালী বিহু ৷ ভোগালী বিহুৰ দিনটোত পৰম্পৰা ৰক্ষা কৰি ৰাজ্যত বিভিন্ন প্ৰান্তত অনুষ্ঠিত হৈছে খেল ধেমালি প্ৰতিযোগিতা ৷ ৰাজ্যৰ আন প্ৰান্তৰ সমান্তৰালকৈ মাজুলীতো ৰাইজে অনুষ্ঠিত কৰিলে ভোগালীৰ খেল-ধেমালি ৷ মাজুলীৰ দক্ষিণপাট কলিতাগাঁৱৰ ভেলাঘৰৰ বাকৰিত খেল-ধেমালি অনুষ্ঠিত কৰি ৰং-ধেমালিৰে একতা ৰক্ষাৰ নিদৰ্শন দাঙি ধৰিছে ৰাইজে ৷
উল্লেখ্য যে,উৰুকা নিশা ভেলাঘৰত গাঁৱৰ সকলো মিলি এসাঁজ খোৱাৰ পাছত বৃহস্পতিবাৰে সমূহীয়াকৈ মেজি জ্বলাই সেৱা লয় ৰাইজে ৷ তাৰ পাছতে দিনযোৰা কাৰ্য্যসূচীৰে ৰচি টনা খেল,চকী খেল,বিভিন্ন ধৰণৰ প্ৰতিযোগিতা মূলক খেলৰ আয়োজন কৰা হয় ৷ মাঘ বিহুৰ লগত সংগতি ৰাখি আয়োজন কৰা এই প্ৰতিযোগিতা মূলক খেল বোৰত কণমানি শিশুৰ পৰা গাঁৱৰ বোৱাৰী জীয়ৰী সকলেও অংশ গ্ৰহণ কৰে ৷
লগতে পঢ়কঃ ৰাজ্যিক বিজেপিৰ নিৰ্বাচনী সমিতিত অন্তৰ্ভূক্ত নহ'ল কেইবাগৰাকীও জ্যেষ্ঠ নেতা
