মাজুলীত কেৱল জাতীয় পোছাকত সৌন্দৰ্য প্ৰতিযোগিতা

ৰংমন-ৰাংঢালী শীৰ্ষক অনুষ্ঠানে অনুষ্ঠিত কৰিছে এই সৌন্দৰ্য বিশেষ প্ৰতিযোগিতা

মাজুলী,19 আগষ্টঃ মাজুলীত ৰংমন-ৰাংঢালীৰ নামৰ অনুষ্ঠানটোৱে গ্ৰহণ কৰিছে অভিনৱ পদক্ষেপ ৷ অসমীয়া জাতিৰ পোছাকক বিশ্ববাসীৰ মাজলৈ উলিয়াই নিয়াৰ প্ৰয়াস কৰিছে অনুষ্ঠানটোৱে ৷ সেই উদ্দেশ্যেৰে তিনিটা পৰ্যায়ত অনুষ্ঠিত কৰিছে সৌন্দৰ্য প্ৰতিযোগিতা ৷ কেৱল জাতীয় সাজ পাৰহে পৰিধান কৰাৰ অনুমতি থকা প্ৰতিযোগিতাখনত দুদিনীয়াকৈ জাতীয় সাজ পাৰ পৰিধান আৰু প্ৰস্তুত কৰাৰ প্ৰশিক্ষণ দিয়া হয় প্ৰতিযোগী সকলক।

মাজুলী কমলাবাৰী মিলন সংঘত অনুষ্ঠিত প্ৰতিযোগিতা খনিৰ লগতে মাজুলীৰ দুগৰাকী সাংবাদিক তীৰ্থ ভূঞা আৰু জীৱন বৰুৱাক তেওঁলোকৰ কৰ্মৰাজিৰ বাবে সম্বৰ্দ্ধনা জনায়। ৰংমন ৰাংঢালীৰ এই সুন্দৰ প্ৰয়াসক প্ৰশংসা কৰিছে সকলোৱে ৷