মাজুলী কমলাবাৰীৰ ইউনাইটেড বেংকত অগ্নিকাণ্ড

বৈদ্যুতিক চৰ্ট চাৰ্কিত ফলত অগ্নিকাণ্ড মাজুলীৰ কমলাবাৰীৰ স্থিতিত ইউনাইটেড বেংকত ৷ দিনৰ 11.30 বজাত সংঘটিত হয় এই ঘটনা ৷

মাজুলী, 3 অক্টোবৰঃ মাজুলী কমলাবাৰীস্থিতি ইউনাইটেড বেংকত বৃহস্পতিবাৰে সংঘটিত হয় ভয়ংকৰ অগ্নিকাণ্ড ৷ দিনৰ 11.30 বজাত সংঘটিত হয় এই অগ্নিকাণ্ডটো । বেংকৰ এটা জেনেৰেটৰত হোৱা বৈদ্যুতিক চৰ্ট চাৰ্কিত ফলতেই সূত্ৰপাত হয় অগ্নিকাণ্ডৰ ৷

উল্লেখ্য যে, অগ্নিকাণ্ডৰ সময়ত বেংকৰ ভিতৰত আছিল বহুত সংখ্যক গ্ৰাহক ৷ ফলত গ্ৰাহকৰ মাজত সৃষ্টি হয় হুৱাদুৱা ৷ পিচত বহু গ্ৰাহকক দৰ্জা খিৰিকী ভাঙি বাহিৰলৈ উলিয়াই অনা হয় ৷ সৌভাগ্যক্ৰমে ৰক্ষা পৰে কাষতে থকা পেট্ৰল পামটো । স্থানীয় ৰাইজ আৰু অগ্নিনিৰ্বাপক বাহিনীৰ তৎপৰতা ৰক্ষা পৰে বেংকটো ৷