মাজুলী, 3 জুলাইঃ মাজুলীত অব্যাহত ভয়াবহ গৰাখহনীয়া ৷ খহনীয়াৰ ফলত উটি গ'ল টি কে কোম্পানীৰ ২৩৮ কোটি জিঅ' বেগৰ আঁচনি। লগতে কমলাবাৰী ফেৰী ঘাটত খহনীয়াৰ ফলত নদীত জাহ যায় বাণীকান্ত পায়েং, মুন দত্ত,যোগেশ্বৰ পায়েং নামৰ তিনিজন লোকৰ দোকান ৷ সমান্তৰাল ভাৱে ব্ৰহ্মপুত্ৰ বৰ্ড আৰু টি কে কোম্পানীৰ জিঅ' বেগৰ এপ্ৰন নদীত জাহ যোৱাৰ ফলত খহনীয়া স্থানৰ পৰা ফেৰী সমূহো স্থানান্তৰ কৰিব লগা হয় ।
উল্লেখ্য যে, ব্ৰহ্মপুত্ৰ বৰ্ড আৰু টি কে কোম্পানীৰ হেমাহিৰ ফলত এই খহনীয়া অধিক হোৱা পৰিলক্ষিত হৈছে৷ কাৰন খৰালী নদীৰ তললৈকে জিঅ' বেগৰ এপ্ৰন জাপিব লাগিছিল যদিও খৰালী কাম নকৰি বাৰিষা ওপৰতে জিঅ' বেগ জাপি দিয়াৰ ফলত খহনীয়া হোৱাৰ অভিযোগ স্থানীয় ৰাইজৰ ৷ বুধবাৰে কমলাবাৰী ঘাটৰ খহনীয়া স্থলীত উপস্থিত হয় মাজুলী জিলা উপায়ুক্ত দেৱ প্ৰসাদ মিশ্ৰ ৷ খহনীয়া প্ৰতিৰোধৰ নিৰ্দেশ দিয়াৰ লগতে জিঅ' বেগৰ এপ্ৰনৰ কামো আৰম্ভ কৰা হয় । কিন্তু ভৰ বাৰিষা জিঅ'বেগ পেলালে বেগসমূহ নদীত উটি যোৱাৰ আশংকা স্থানীয় ৰাইজৰ।
