মাজুলী,27মেঃ নামনি মাজুলীৰ চিলাকলা গাঁও পঞ্চায়তৰ অন্তৰ্গত অৰ্জুন গুৰিত জলসিঞ্চন বিভাগে নিৰ্মান কৰা ১ কোটি ৫৫ লাখ টকীয়া শ্লুইছ গেটখন উটুৱাই লৈ যায় । সোৱনশিৰিৰ বাঢ়নী পানীয়ে ভাঙি উটুৱাই নিয়া গেট খন আছিল অতি নিম্ন মানৰ । অৰ্জুন গুৰি চিলাকলা কৃষি বান্ধ দি এই গেট খন কৃষক ৰাইজৰ সুবিধাৰ্থে নিৰ্মাণ কৰিছিল জনৈক কুটুম নামৰ এজন ঠিকাদাৰে।
কিন্তু অতি নিম্নমানৰ কাম কৰাৰ লগতে ১০ লাখ টকাৰ শৈল স্পাৰ নিৰ্মান কৰিব লাগিছিল যদিও নকৰিলে । যাৰ ফলত কৃষি বান্ধ টোৰ এটা অংশ খহাই লৈ যোৱাৰ লগে লগে গেট খনো উটোৱাই নিয়ে বাঢ়নি পানীয়ে । অঞ্চলটোৰ শ শ বিঘা " আহু "আৰু " বড়ো ধান" ৰ খেতি আজি নষ্ট হোৱাত অনাগত দিন বোৰত কৃষক ৰাইজৰ মাজত খাদ্য সমস্যাৰ সৃষ্টি হোৱাৰ শংকা দেখা গৈছে কৃষক সকলৰ মাজত । বৃহৎ শ্লুইছ গেটখন অপৰিকল্পিত আৰু অ বিজ্ঞানসন্মত ভাৱে নিৰ্মান কৰাৰ অভিযোগ কৰিছে স্থানীয় ৰাইজে । সমান্তৰালভাৱে ২৫ খন গাৱৰ ৪ হাজাৰ কৃষক ক্ষতিৰ সন্মুখীন হৈছে এই পানীৰ ফলত যাৰ বাবে বিভাগৰ বিৰুদ্ধে উত্তপ্ত পৰিস্থিতি সৃষ্টি কৰে স্থানীয় ৰাইজে ৷ ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণ কৰিবলৈ চেষ্টা কৰিছে যদিও ক্ষোভিত ৰাইজক শান্ত কৰাৱ পৰা নাই ৷
লগতে পঢ়কঃ শিৱসাগৰত চৰকাৰৰ বিৰুদ্ধে তীব্ৰ প্ৰতিবাদ
