মাজুলী,15মাৰ্চ: বিধান সভা নিৰ্বাচনৰ দিন চমু চাপি অহাৰ লগে-লগে ৰাজ্যত তুংগত উঠিছে নিৰ্বাচনী প্ৰচাৰ ৷ ইতিমধ্যে প্ৰতিটো দল-সংগঠন, ৰাজনৈতিক নেতাই আৰম্ভ কৰিছে নিৰ্বাচনী প্ৰচাৰ অভিযান ৷ বহু হাই প্ৰফাইল নেতাৰো নিৰ্বাচনী প্ৰচাৰ চলোৱাৰ উদ্দেশ্যৰে অসমলৈ আগমন ঘটিছে ৷ ইয়াৰ সমান্তৰালকৈ মাজুলীত কংগ্ৰেছৰ প্ৰাৰ্থী ৰাজীৱ লোচন পেগুৱে গাঁৱে-গাঁৱে গৈ নিৰ্বাচনী প্ৰচাৰ চলায় ৷
উল্লেখ্য যে, প্ৰথম পৰ্যায়ৰ নিৰ্বাচনৰ দিন চমু চাপি অহাৰ লগে লগে ৯৯নং মাজুলী বিধানসভা সমষ্টিত কংগ্ৰেছ দলৰ নিৰ্বাচনী প্ৰচাৰ তুংগত উঠিছে । মাজুলী আৰু উজনি মাজুলী দুটা উন্নয়ন খণ্ডত ২০খন গাঁও পঞ্চায়তৰ প্ৰতি খন গাঁৱৰ প্ৰতি ঘৰ মানুহৰ ঘৰলৈ গৈ নিৰ্বাচনী প্ৰচাৰ চলাবলৈ আৰম্ভ কৰিছে কংগ্ৰেছ দলৰ প্ৰাৰ্থী ৰাজীব লোচন পেগুৱে । ৰাজীৱ লোচন পেগুক প্ৰচাৰ অভিযানৰ সময়ত সংগ দিছে মাজুলীপ কংগ্ৰেছ দলৰ কৰ্মী সকলে ।
ভোটাৰৰ মন জয় কৰিবলৈ মাজুলীৰ প্ৰতিখন গাঁৱৰ প্ৰতিঘৰ মানুহৰ ঘৰলৈ গৈ নিৰ্বাচনী প্ৰচাৰ চলায় কংগ্ৰেছ প্ৰাৰ্থী গৰাকীয়ে ৷ মাজুলীত মিত্ৰজোঁটৰ লগত যুঁজ দিবলৈ ব্যাপক প্ৰচাৰ চলাইছে কংগ্ৰেছ প্ৰাৰ্থী ৰাজীব লোচন পেগুৱে । কংগ্ৰেছৰ হাত শক্তিশালী কৰাৰ বাবে হাতৰ চিনত ভোটদান দিবলৈ আহ্বান জনায় কংগ্ৰেছৰ প্ৰাৰ্থীগৰাকীয়ে । এইবাৰ নিৰ্বাচনত বৃহৎ ৰেলী, সমদল, নিৰ্বাচনী সভাৰ বিপৰীতে ভোটাৰৰ ঘৰে-ঘৰে গৈ সাক্ষাৎ কৰাৰ পৰিকল্পনা কৰিছে প্ৰাৰ্থী গৰাকীয়ে ৷ ৰাজীৱ লোচন পেগুয়ে প্ৰচাৰ অভিযানৰ সময়ত যোৰহাট-মাজুলী সংযোগী দলং বিজেপিৰ মিছা প্ৰতিশ্ৰুতি বুলি মন্তব্য কৰে ৷
অন্য এক খবৰৰ বাবে: সত্যব্ৰত কলিতাৰ ওচৰত ক্ষমা খুজিলে মিত্ৰজোঁটৰ প্ৰাৰ্থী দিগন্ত কলিতাই
