দুদিনীয়া ভ্ৰমণ সূচীৰে নিজ সমষ্টিত উপস্থিত মুখ্যমন্ত্ৰী সোণোৱাল

দেওবাৰে বিয়লি নিজ সমষ্টিত উপস্থিত হ'ল মুখ্যমন্ত্ৰী সৰ্বানন্দ সোণোৱাল ৷ দুদিনীয়া ভ্ৰমণ সূচী লৈ মাজুলীত উপস্থিত হয় মুখ্যমন্ত্ৰী গৰাকী ৷ খহনীয়া পৰিদৰ্শন কৰাৰ লগতে বিভিন্ন প্ৰকল্প থলীও পৰিদৰ্শন মুখ্যমন্ত্ৰী গৰাকীৰ ৷ সোণোৱালৰ মন্তব্য মাজুলীত এখন সাহিত্যৰথী উপবন গঢ় দিয়া হ'ব ৷

মাজুলী , 4অক্টোবৰ: দুদিনীয়া ভ্ৰমণ সূচীৰে নিজ সমষ্টিত উপস্থিত হ'ল মুখ্যমন্ত্ৰী সৰ্বানন্দ সোণোৱাল ৷ দেওবাৰে বিয়লি মাজুলীত উপস্থিত হয় মুখ্যমন্ত্ৰী গৰাকী ৷ মাজুলীত উপস্থিত হৈ মুখ্যমন্ত্ৰী গৰাকীয়ে কমলাবাৰী ৰাজীৱ গান্ধী ক্ৰীড়া প্ৰকল্প স্থলীত নিৰ্মাণ কৰিবলৈ লোৱা প্ৰস্তাৱিত ক্ৰিকেট ষ্টেডিয়ামৰ স্থান পৰিদৰ্শন কৰে ৷

নিজ সমষ্টি মাজুলীত উপস্থিত মুখ্যমন্ত্ৰী সোণোৱাল

মুখ্যমন্ত্ৰী গৰাকীয়ে কমলাবাৰী পাৰঘাটত চলি থকা খহনীয়া পৰিদৰ্শন কৰাৰ লগতে মাজুলীৰ কমলাবাৰী পাৰঘাটৰ সমীপৰ বনানীকৰণ প্ৰকল্প স্থলী পৰিদৰ্শন কৰি গছপুলি ৰোপন কৰে ৷
মাজুলীত এখন সাহিত্যৰথী উপবন গঢ় দিয়া হ'ব বুলিও মুখ্যমন্ত্ৰী গৰাকীয়ে সাংবাদিকৰ আগত এক মন্তব্য কৰে ৷
লগতে পঢ়ক: মুখ্যমন্ত্ৰী সোণোৱালক তদন্তৰ আঁওতালৈ অনাৰ দাবী কংগ্ৰেছৰ