শ্ৰীশ্ৰী দক্ষিণপাট সত্ৰৰ দৌল উৎসৱৰ সামৰণি

দক্ষিণপাট সত্ৰৰ ৩৬৫ বছৰীয়া পৰম্পৰা দৌল উৎসৱৰ বৃহস্পতিবাৰে বিয়লি সামৰণি পৰে

মাজুলি, 22 মাৰ্চঃ ৰাজ্যৰ অন্য প্ৰান্তৰ লগতে সত্ৰ নগৰী মাজুলীটো উলহ মালহে দৌল উৎসৱ উদযাপন কৰা হ'ল । শ্ৰী শ্ৰী দক্ষিণপাট সত্ৰত প্ৰতি বছৰে তিনি দিনীয়াকৈ পালন কৰি আহিছে দৌল উৎসৱ ।

দক্ষিণপাট সত্ৰৰ ৩৬৫ বছৰীয়া পৰম্পৰা দৌল উৎসৱৰ বৃহস্পতিবাৰে বিয়লি সামৰণি পৰে । সত্ৰৰ আধ্যাত্মিক পৰিবেশৰ মাজত প্ৰতি বছৰে এই দৌল উৎসৱটি অনুষ্ঠিত কৰি আহিছে । এই উৎসৱত ভুৱন মোহন মহাপ্ৰভু মূল মণিকূটৰ পৰা ওলিয়াই অনি দোলা কৰি সত্ৰৰ চৌদিশে পৰিভ্ৰমণ কৰাই ।