মাজুলীত 65 সংখ্যক বন্যপ্ৰাণী সপ্তাহ পালন

বন্যপ্ৰাণী সপ্তাহ উপলক্ষে বন সংমণ্ডলে আয়োজন কৰিলে বাটৰ নাট ৷ বাটৰ নাটে মুহিলে পথচাৰীক ৷

মাজুলী, 1 অক্টোবৰঃ মঙলবাৰে মাজুলীত অনুষ্ঠিত কৰা হৈছে 65 সংখ্যক বন্যপ্ৰাণী সপ্তাহ ৷ এই উপলক্ষে মাজুলী বন সংমণ্ডলে মাজুলীত সুদীৰ্ঘ সময় ধৰি চলি থকা হাতী-মানুহৰ সংঘাতক কেন্দ্ৰ কৰি "হাতী মানুহৰ সংঘাত আৰু নিৰাময়" বাণী লৈ পুৱাই অফলামুখ ফেৰী ঘাট, বনগাঁও চাৰিআলিকে ধৰি মাজুলীৰ বিভিন্ন স্থানত বাটৰ নাট পৰিবেশন কৰে ৷

উল্লেখ্য যে, মাজুলী মেৰাগড় উচ্চতৰ মাধ্যমিক বিদ্যালয়ৰ ছাত্ৰ-ছাত্ৰীসকলে পৰিবেশন কৰা নাটকে পথচাৰীক মুগ্ধ কৰে ৷ ইয়াৰোপৰি, বনবিভাগে বন্যপ্ৰাণী সপ্তাহৰ লগত সংগতি ৰাখি বিভিন্ন কাৰ্যসূচী অনুষ্ঠিত কৰে ৷ বন্যপ্ৰাণী আৰু মানুহৰ সহাৱস্থানক লৈ ৰাইজক সজাগ কৰাৰ প্ৰয়াসেৰে মাজুলী বন বিভাগে এই পদক্ষেপ গ্ৰহণ কৰে ৷