নিউজ ডেস্ক, 30 নৱেম্বৰঃ নাগৰিকত্ব সংশোধনী বিধেয়কক লৈ দেশৰ ৰাজনীতি উত্তাল হৈ থকাৰ সময়তে উত্তৰ-পূৰ্বাঞ্চলত সংঘটিত হৈছে ব্যাপক প্ৰতিবাদ ৷ উত্তৰ-পূৰ্বাঞ্চলৰ ছাত্ৰ-সংগঠনকে ধৰি অৰাজনৈতিক সংগঠনসমূহে নাগৰিকত্ব সংশোধনী বিধেয়কক লৈ প্ৰতিবাদ অব্যাহত ৰাখিছে ৷
অসম তথা উত্তৰ-পূৰ্বাঞ্চলৰ ভৌগলিক অস্ত্বিত্বৰ প্ৰতি ভাবুকিস্বৰূপ নাগৰিকত্ব সংশোধনী বিধেয়কক কোনো কাৰণতে গ্ৰহণ কৰিবলৈ ৰাজী নহয় উত্তৰ-পূৰ্বাঞ্চলবাসী ৰাইজ ৷ ইতিমধ্যে নাগৰিকত্ব সংশোধনী বিধেয়কক লৈ অসমৰ বাহিৰতো প্ৰতিবাদ সাব্যস্ত কৰিছে অসমীয়াই ৷ মিজোৰাম বিশ্ববিদ্যালয়ত অধ্যয়নৰত অসমীয়া ছাত্ৰ সমাজেও নাগৰিকত্ব সংশোধনী বিধেয়কৰ বিৰুদ্ধে প্ৰতিবাদ সাব্যস্ত কৰে ৷ বিশ্ববিদ্যালয়খনৰ চৌহদত একত্ৰিত হৈ শান্তিপূৰ্ণ প্ৰক্ৰিয়াৰে শিক্ষাৰ্থীসকলে অসম চৰকাৰ কেন্দ্ৰীয় চৰকাৰৰ বিৰুদ্ধে প্ৰতিবাদ সাব্যস্ত কৰে ৷
লগতে পঢ়কঃ অসুৰক্ষিত হায়দৰাবাদ: শ্বামছাবাদত আকৌ উদ্ধাৰ মহিলাৰ গলিত মৃতদেহ
