লখিমপুৰ, 26 ফেব্ৰুৱাৰী : অৰুণাচল প্ৰদেশৰ প্ৰধান জনগোষ্ঠী নিচীসকলৰ কৃষি ভিত্তিক উৎসৱ ন্যকুম ইয়'ল' উৎসৱ (Nyokum Yullo Festival) ৷ অৰুণাচলৰ লগতে লখিমপুৰৰ অসম-অৰুণাচল সীমান্তৰ তৰাজুলিৰ টানি হাপা অঞ্চলত বসবাস কৰা নিচী জনগোষ্ঠীৰ লোকসকলে তিনিদিনীয়াকৈ পালন কৰে 24 তম ন্যকুম ইয়'ল' উৎসৱ (Nyishi community celebrates Nyokum Yullo at Assam Arunachal Border) ।
কৃষিৰ উৎপাদনৰ লগতে সকলোৰে মংগল আৰু শান্তি-সম্প্ৰীতিৰ কামনাৰে নিচী জনগোষ্ঠীৰ লোকসকলে অদৃশ্যজনৰ ওচৰত আশীষ বিচাৰি পালন কৰে এই উৎসৱ ৷ অসম-অৰুণাচলৰ সীমান্তৱৰ্তী অঞ্চল তৰাজুলিত অনুষ্ঠিত এই উৎসৱত দুয়োখন ৰাজ্যৰ ভালেসংখ্যক লোকে উপস্থিত থাকি অংশগ্ৰহণ কৰা পৰিলক্ষিত হয় ৷
এই উৎসৱত অংশ লোৱা সকলোৱে প্ৰতি বছৰৰ দৰে এইবাৰো অসম আৰু অৰুণাচল প্ৰদেশৰ ৰাইজৰ মাজত ঐক্য, সমন্বয় অটুত থকাৰো কামনা কৰে ৷ উৎসৱত প্ৰদৰ্শিত হোৱা পৰম্পৰাগত নৃত্য-গীত, সাজ-সজ্জাই উৎসৱথলীক এক অনন্য মাত্ৰা প্ৰদান কৰা পৰিলক্ষিত হয় । নিচী জনগোষ্ঠীৰ লোকসকলে তিনিদিনীয়াকৈ পালন কৰা 24 তম ন্যকুম ইয়'ল' উৎসৱত এইবাৰ মুখ্য অতিথি হিচাপে লিখা সুৰজ আৰু সন্মানীয় অতিথি হিচাপে উপস্থিত থাকে ৰাজ্যখনৰ বন বিষয়া চুখু লোমাৰ ।
লগতে পঢ়ক : IAF chopper faces technical snag: ৰাষ্ট্ৰপতিৰ নিৰাপত্তাত নিয়োজিত হেলিকপ্টাৰৰ অথন্তৰ
