লখিমপুৰ,১৫ ডিচেম্বৰ: ইছলামধৰ্মী লোকসকলে পয়গম্বৰ হজৰত মহম্মদৰ জন্মদিন ইদ-ই-মিলাদ-উন-নবী বা আইডি-ই-মিলাদ হিচাপে উদযাপন কৰে (Eid Milad un Nabi 2022) ৷ ইছলামিক বৰ্ষপঞ্জী অনুসৰি, তৃতীয়টো মাহ ৰবি-উল-টৰৰ দ্বাদশ দিনত এই উৎসৱ উদযাপন কৰা হয় ৷ ইতিমধ্যে ইছলামৰ তৃতীয় মাহ ৰবি-উল-টৰ আৰম্ভ হৈছে ৷ মহম্মদ চাহেবৰ জন্মদিনত এই সম্প্ৰদায়ৰ লোকে শোভাযাত্ৰা উলিয়াই ৷
উল্লেখ্য যে লখিমপুৰত প্ৰথমবাৰৰ বাবে কেন্দ্ৰীয়ভাবে মিলাদ উন নবী ২০২২ উদযাপনৰ প্ৰস্তুতি কৰা হৈছে । উত্তৰ লখিমপুৰ কেন্দ্ৰীয় ঈদগাহ সমিতিৰ উদ্যোগত কেন্দ্ৰীয় ঈদগাহ ময়দানত অহা ২৪ আৰু ২৫ ডিচেম্বৰত এই কাৰ্যসূচী উদযাপন কৰা হ’ব । উত্তৰ লখিমপুৰ কেন্দ্ৰীয় ঈদগাহৰ অন্তৰ্গত ছখন জামাতৰ সহযোগত মিলাদ উন নবী উদযাপন কৰাৰ প্ৰস্তুতি কৰা হৈছে বুলি জানিবলৈ দিয়ে উদ্যোক্তাসকলে (Milad un Nabi 2022 will celebrated in Lakhimpur) ।
এই উদ্দেশ্যে গঠন কৰা মূল সমিতিখনৰ লগতে পাঁচখন উপ-সমিতিয়ে তৎপৰতাৰে কাম কৰি আছে । অনুষ্ঠানটোত সাংস্কৃতিক, সাহিত্য, ৰচনা, বক্তৃতা, চিত্ৰাংকন, কুইজ, আদি বিভিন্ন প্ৰতিযোগিতাৰ উপৰি পতাকা উত্তোলন, সম্বৰ্ধনা, বঁটা বিতৰণী, মুকলি সভা, আদি অনুষ্ঠিত হ’ব । মুকলি সভাৰ লগতে অন্যান্য কাৰ্যসূচীত চৰ চাপৰি সাহিত্য পৰিষদ অসমৰ সভাপতি ড৹ হাফিজ আহমেদ, গুৱাহাটী বিশ্ববিদ্যালয়ৰ অধ্যাপক ড৹ দিলীপ বৰা, আলজাহ শেখ হজৰত, মৌলানা মুফতি মহমদ আলি চাহাব, ইশফাকুল হুছেইন আদি কেইবাজনো বিশিষ্ট ব্যক্তিয়ে অংশগ্ৰহণ কৰিব ।
বুধবাৰে উত্তৰ লখিমপুৰ কেন্দ্ৰীয় ঈদগাহ সমিতিয়ে এখন সংবাদমেল যোগে এই অনুষ্ঠানৰ বিষয়ে সদৰী কৰি ৰাইজক সহযোগিতা আগবঢ়াই মিলাদ উন নবী সফল কৰি তুলিবলৈ আহ্বান জনায় । সংবাদমেলখনত চাদিকুল হুছেইন, ইমাদ্দুচ চালাম হাজৰিকা, ফাইজুৰ ৰহমান, ৰেকিবুদ্দিন খান, ৰাজেশ হুছেইন, বাহাৰুল ইছলাম, হাৰনুল ৰচিদ,ফজলুৰ ৰহমান, মতিবুল হুছেইন হাজৰিকা, ইমাদুচ চালাম হাজৰিকা আদিয়ে উপস্থিত থাকে ।
লগতে পঢ়ক: Centenary closing ceremony: চাকলা নিম্ন বুনিয়াদী বিদ্যালয়ৰ শতবৰ্ষ সামৰণি অনুষ্ঠানক
