নাওবৈচা, 9 জানুৱাৰী : পথাৰ আমাৰ, বজাৰ আমাৰ, গ্ৰাম্য অৰ্থনীতি উন্নয়ন আৰু আত্মনিৰ্ভৰশীল অসম গঢ়াৰ লক্ষ্যৰে লখিমপুৰৰ ললুকাত অনুষ্ঠিত যুৱ কৃষক সমাৰোহত উপস্থিত মুখ্যমন্ত্ৰী সৰ্বানন্দ সোণোৱাল ৷ মুকলি সভাত অংশ লৈ মুখ্যমন্ত্ৰী গৰাকীয়ে ভাষণ প্ৰসংগত কয় যে, অসমৰ প্ৰতিটো জনগোষ্ঠীক মৰ্যদা প্ৰদান কৰাৰ বাবে জনগোষ্ঠী সমূহৰ ওচৰত বৰ্তমানৰ চৰকাৰখনৰ আস্থা আছে ৷ কংগ্ৰেছৰ দিনত চৰকাৰী সকলো সুবিধা মধ্যভোগীৰ হাতত আছিল যাৰ ফলত দেশৰ কোটি কোটি কৃষক ৰাইজে বঞ্চিত হৈছিল সুবিধাৰ পৰা ৷ শেহতীয়াকৈ দেশৰ প্ৰধানমন্ত্ৰী নৰেন্দ্ৰ মোডীৰ তৎপৰতাত সাধাৰণ কৃষক ৰাইজে সকলো চৰকাৰী সুবিধা 100 শতাংশ পাবলৈ সক্ষম হৈছে ৷
তেওঁ পুনৰ কয় যে, কৃষকসকলে যাতে ধানৰ মূল্য প্ৰতি কুইন্টলত 1868 টকা পাব পাৰে তাৰ বাবে ব্যৱস্থা কৰা হৈছে ৷ প্ৰতিটো ব্লকত ধান ক্ৰয় কৰা কেন্দ্ৰ প্ৰতিষ্ঠা কৰিবলৈ FCI য়ে নিৰ্দেশ দিছে ৷ 68 লাখ কৃষক পৰিয়ালক অৰ্থনৈতিক দিশত শক্তিশালী কৰাৰ সংকল্প গ্ৰহণ কৰিছে চৰকাৰে ৷ শেহতীয়াকৈ অসমৰ যুৱক-যুৱতী সকলে কৃষি কৰ্মৰ প্ৰতি আগ্ৰহী হোৱাতো শুভ লক্ষণ বুলি অভিহিত কৰাৰ লগতে এই ক্ষেত্ৰত অসমৰ অৰ্থনীতি বিকাশত যুৱক-যুৱতীসকলে গুৰুত্বপূৰ্ণ ভূমিকা গ্ৰহণ কৰিব ৷
উল্লেখ্য যে, অৰ্কিড ইণ্ডিয়াৰ উদ্যোগত অনুষ্ঠিত এই মুকলি সভাত অংশ লয় মন্ত্ৰী ৰামেশ্বৰ তেলী, নৱ কুমাৰ দলে, অৰ্কিড ইণ্ডিয়াৰ অধ্যক্ষ ঋষিৰাজ হাজৰিকা সহ কেইবাগৰাকী বিধায়কে ৷
লগতে পঢ়ক : গোৱাৰ পৰা উপ-ৰাষ্ট্ৰপতি ভেংকায়া নাইডুৰ লাইভ
