নাওবৈচা, ১৭ নৱেম্বৰ: লখিমপুৰ জিলাৰ বিহপুৰীয়া আৰক্ষীয়ে লাভ কৰিছে বৃহৎ সফলতা ৷ নাওবৈচাৰ বঙালমৰা আহমেদপুৰৰ পৰা বিহপুৰীয়া আৰক্ষীয়ে অভিযান চলাই জব্দ কৰে নকল টকা প্ৰস্তুত কৰা মেছিনসহ নকল সোণৰ নাও ৷ আৰক্ষীয়ে ঘটনা সংক্ৰান্তত মামুদ শুকুৰ আহমেদ আৰু ফজৰ আলি নামৰ দুজন লোককো গ্ৰেপ্তাৰ কৰিছে ৷ শুকুৰ আহমেদৰ ঘৰৰ পৰা নকল টকা চপা কৰা মেচিন উদ্ধাৰ হোৱাৰ বিপৰীতে নকল সোণৰ নাও উদ্ধাৰ হৈছে ফজৰ আলি নামৰ লোকজনৰ বাসগৃহৰ পৰা ৷
নাওবৈচাত জব্দ নকল টকা বনোৱা মেচিন,সোণৰ নাও
বিহপুৰীয়া আৰক্ষী থানাৰ ভাৰপ্ৰাপ্ত আৰক্ষী বিষয়া হিৰণ্য পাটৰৰ নিৰ্দেশত উপ পৰিদৰ্শক জিতুমণি কলিতাৰ নেতৃত্বত যোৱা আৰক্ষীৰ এটা দলে অভিযান চলাই উদ্ধাৰ কৰে নকল সোণৰ নাওসহ টকা প্ৰস্তুত কৰা মেচিন ৷
লগতে পঢ়ক: নিজ মাতৃয়ে হাতে ভৰিয়ে শিকলি লগাই বান্ধি ৰাখিছে পুত্ৰক কিন্তু কিয় !
