লখিমপুৰ, 11 জানুৱাৰীঃ লখিমপুৰত উত্তাল পৰিবেশ ৷ 'কা'ৰ ৰাজপত্ৰিত জাননী জাৰি হোৱাৰ পিছতেই জাতীয়তাবাদী যুৱ ছাত্ৰ পৰিষদৰ গণ সমদল। আছুকে ধৰি 30 টা জনগোষ্ঠীৰ সংগঠনৰ নেতৃত্বত লগতে চৰকাৰৰ বিৰুদ্ধে ওলাই আহিল সকলো । হুংকাৰ দিলে কোনো কাৰণত মানি লোৱা নহ'ব 'কা'।
এই 'কা' বিৰোধী প্ৰতিবাদত সকলোৰে দৃষ্টি কাঢ়িলে এজন প্ৰবক্তাই ৷ সংলাপৰ যোগে ৰাইজক 'কা' বিৰোধী আন্দোলন সক্ৰিয় কৰিবলৈ সাহস দিলে প্ৰবক্তাগৰাকীয়ে ।
ইয়াৰ পিছতে লখিমপুৰৰ ৰাজপথেৰে ওলাল এক বিশাল প্ৰতিবাদী সমদল । সমদল আগবাঢ়ি উপস্থিত হ'ল লখিমপুৰ উপায়ুক্তৰ কাৰ্যালয় সমুখত । দাহ কৰিলে প্ৰধানমন্ত্ৰী, অসমৰ মুখ্যমন্ত্ৰী সৰ্বানন্দ সোণোৱাল, হিমন্ত বিশ্ব শৰ্মাৰ প্ৰতিকৃতি । প্ৰতিকৃতি দাহৰ মাজতে সংঘাতৰ সৃষ্টি হয় প্ৰতিবাদকাৰী আৰু আৰক্ষীৰ ৷ দল সংগঠনৰ হুংকাৰ চৰকাৰৰ সকলো বাধা নেওচি ওফৰাই পেলোৱা হ'ব 'কা' ।
লগতে পঢ়কঃCAA বিৰোধী প্ৰতিবাদ কৰা বাবেই শিল্পীৰ ওপৰত 18% জি এছ টি লগোৱা হৈছে !
