কোকৰাঝাৰ, 15 মে : ৰাজ্যপালে বিটিএডিৰ শাসনৰ দায়িত্ব গ্ৰহণ কৰাৰ পিছতেই বিগত 17 বছৰ বিটিএডিৰ শাসনভাৰ চলোৱা বিপিএফ দলৰ সভাপতি তথা বিটিএডিৰ প্ৰাক্তন মুখ্য কাৰ্যবাহী সদস্য হাগ্ৰামা মহিলাৰীৰ বিৰুদ্ধে উত্থাপন হৈছে দুৰ্নীতিৰ অভিযোগ ৷ কেইদিনমানৰ পূৰ্বে 1000 কোটি টকীয়া কেলেংকাৰীৰ তথ্য সহকাৰে ইউ পি পি এল দলৰ কেন্দ্ৰীয় সদস্য তথা যুৱ নেতা পৃথিৱীৰাজ নাৰায়ণ দেৱ মেচে সংবাদ মাধ্যমৰ যোগেদি ফাদিল কৰাৰ পিছতে আকৌ বিটিচিৰ বিভিন্ন বিভাগত কোটি কোটি টকাৰ অবাধ দুৰ্নীতিৰ অভিযোগ উত্থাপন কৰে ইউ পি পি এলৰ আন দুগৰাকী যুৱ নেতাই |
শুকুৰবাৰে কোকৰাঝাৰ চহৰৰ সঠিমাথাস্থিত ইউ পি পি এল দলৰ কেন্দ্ৰীয় কাৰ্যালয়ত আয়োজিত এক সংবাদ মেলযোগে দলৰ কেন্দ্ৰীয় সম্পাদক ৰাজু নাৰ্জাৰী আৰু ইউ পি পি এল দলৰ আৰ টি আই কৰ্মী কামাল আজাদে হাগ্ৰামা মহিলাৰী নেতৃত্বাধীন বিপিএফ চৰকাৰে বিগত 17 বছৰ শাসনৰ দায়িত্বত থাকি কোটি কোটি টকাৰ দুৰ্নীতি সংঘটিত কৰিছে বুলি এক গুৰুত্বৰ অভিযোগ উত্থাপন কৰে। আনকি ৰাষ্ট্ৰীয় খাদ্য সুৰক্ষা আইনৰ অধীনত দৰিদ্ৰ হিতাধিকাৰীক চাউল বিতৰণৰ ক্ষেত্ৰত বিটিএডি সমবায় সমিতিৰ অন্তৰ্গত মুঠ 108 খন সমবায় সমিতিৰ 42 মাহৰ সুলভ মূল্যৰ চাউল বিতৰণৰ বাবদ পৰিবহন ব্যয় আৰু কমিচনৰ বাবদ সৰ্বমুঠ 75,31,75,972 কোটি টকা অসম চৰকাৰে সময়মতে বিটিচি কৰ্তৃপক্ষক মোকোলাই দিছিল যদিও উক্ত ধনৰাশিৰ বৃহৎ অংশ বিটিএডি কৰ্তৃপক্ষই সমবায় সমিতি গাঁও পঞ্চায়তক মোকোলাই দিয়া নাই ।
লগতে পঢ়ক : ওৰাঙৰ 15 নং ৰাষ্ট্ৰীয় ঘাইপথত ভয়ংকৰ পথ দুৰ্ঘটনাঃ নিহত 1
