কোকৰাঝাৰ, ২৪ এপ্ৰিল : কোকৰাঝাৰৰ চক্ৰশীলা অভয়াৰণ্যত আৰক্ষীৰে সংঘৰ্ষত দুগৰাকী কেএলঅ' সদস্য নিহত হোৱাৰ পিচত সোমবাৰে সন্ধিয়া ৭:৩০ বজাত কোকৰাঝাৰ সদৰ থানাত আৰক্ষীয়ে এখন সংবাদমেলৰ আয়োজন কৰে । সংবাদমেলখন সম্বোধন কৰি অতিৰিক্ত আৰক্ষী অধীক্ষক নৱনীতা শৰ্মাই কয় যে, এক গোপন সূত্ৰৰ পম খেদি কাহিলীপুৱাৰে পৰা আৰক্ষীয়ে অভিযান চলাই আছিল (Kokrajhar police Encounter) । চক্ৰশীলা অভয়াৰণ্যৰ বাওখুংগ্ৰী পাহাৰত চলোৱা অভিযানকালত আৰক্ষী আৰু কেএলঅ'ৰ মাজত গুলিয়াগুলী সংঘটিত হয় আৰু আৰক্ষীৰ গুলীত দুজন কেএলঅ' সদস্য নিহত হয় (Two KLO cadre killed in police Encounter) ।
সমান্তৰালকৈ আৰক্ষীয়ে চাৰিজন কেএলঅ' সদস্যক আটক কৰাৰ লগতে দুটা অস্থায়ী শিৱিৰ ধ্বংস কৰে বুলি জানিবলৈ দিয়ে অতিৰিক্ত আৰক্ষী অধীক্ষক নৱনীতা শৰ্মাই । আৰক্ষীয়ে ঘটনাস্থলীৰ পৰা বুজন পৰিমানৰ বিস্ফোৰক, দুটা পিষ্টল, দুটা মেগজিন, গুলী-বাৰুদ, ইলেকট্ৰনিক ডিটেনেটৰ, খাদ্য-সামগ্ৰী, চোকা অস্ত্ৰ, কম্বল, তিৰপাল, কাপোৰ, প্লাষ্টিক, তাঁৰ আদিকে ধৰি বোমা নিৰ্মাণত ব্যৱহৃত বহুতো সামগ্ৰী ইত্যাদি জব্দ কৰে ।
লগতে পঢ়ক : Angkita Dutta updates: বিজেপিলৈ নাযায় অংকিতা, আইনী যুঁজ চলাই যোৱাৰ অংগীকাৰ
দলটো বৃহৎ কুটাঘাতমূলক কাৰ্যৰ বাবে বাহৰ পাতি থকাৰ সন্দেহ প্ৰকাশ কৰিছে আৰক্ষীয়ে (Firing in Kokrajhar) ৷ অতিৰিক্ত আৰক্ষী অধীক্ষক নৱনীতা শৰ্মাই অধিক তথ্যৰ সন্ধানত আটকাধীন হোৱা সদস্যসকলক জেৰা অব্যাহত ৰখা হৈছে বুলি সদৰী কৰিছে । ইয়াৰোপৰি গোসাইগাঁও এলেকাটোত বিভিন্ন ধন দাবীৰ ঘটনাৰ সৈতে উক্ত কেএলঅ’ৰ দলটো জড়িত আছিল বুলিও সদৰী কৰে আৰক্ষীয়ে (KLO cadre arrested in Kokrajhar) ৷
উল্লেখযোগ্য যে, কেএলঅ'ৰ সৈতে হোৱা সংঘৰ্ষৰ পিচত আটক হোৱা তিনি কেএলঅ' সদস্যৰ ভিতৰত চিৰাং জিলাৰ বাসুগাঁৱৰ প্ৰাণজিৎ ৰায় নামৰ এগৰাকী সদস্য এটা পৰ্টেলৰ সাংবাদিক হোৱা ঘটনাই ব্যাপক চাঞ্চল্যৰ সৃষ্টি কৰিছে (Kokrajhar KLO news) ।
লগতে পঢ়ক : KLO cadre neutralized: কোকৰাঝাৰ এনকাউণ্টাৰত নিহত দুই KLO ৰ সদস্য
