কোকৰাঝাৰত দুগৰাকী অতিৰিক্ত উপায়ুক্তৰ দেহত ক’ভিড-19

কোকৰাঝাৰ জিলাত ক’ভিড আক্ৰান্ত হৈছে দুগৰাকী অতিৰিক্ত উপায়ুক্ত ৷ আক্ৰান্ত দুয়োগৰাকী অতিৰিক্ত উপায়ুক্ত ক্ৰমে দেৱেশ্বৰ বৰা আৰু ভাস্কৰ দাসক চিকিৎসালয়ত ভৰ্তি ৷

কোকৰাঝাৰ,19 আগষ্ট : অব্যাহত আছে ক’ভিড-19 ৰ ভয়াৱহতা ৷ কোকৰাঝাৰত ভয়াৱহ ৰূপ ধাৰণ কৰিছে ক’ভিড-19ৰ গণ সংক্ৰমণে ৷ কেৱল সাধাৰণ লোকেই নহয়, ক’ভিড আক্ৰান্ত হৈছে দুগৰাকী অতিৰিক্ত উপায়ুক্ত ৷ আক্ৰান্ত দুয়োগৰাকী অতিৰিক্ত উপায়ুক্ত ক্ৰমে দেৱেশ্বৰ বৰা আৰু ভাস্কৰ দাসক চিকিৎসালয়ত ভৰ্তি ৷ ইতিমধ্যে পাঁচ দিনৰ বাবে কন্টেইনমেন্ট জ’ন হিচাপে ঘোষণা কৰা হৈছে কোকৰাঝাৰৰ উপায়ুক্তৰ কাৰ্যালয় ৷

কোকৰাঝাৰ জিলাত বৰ্তমানলৈ মুঠ 1146 গৰাকী ক’ভিড-19ত আক্ৰান্ত হোৱাৰ বিপৰীতে 6 গৰাকীৰ মৃত্যু হৈছে । আনহাতে সমগ্ৰ ৰাজ্যত বৰ্তমানলৈকে ক’ভিড-19 ত আক্ৰান্ত হৈছে 82,201গৰাকী লোক আক্ৰান্ত হোৱাৰ বিপৰীতে মৃত্যু হৈছে 203 গৰাকীৰ ৷ মুঠ আক্ৰান্ত সকলৰ ভিতৰত 58294 গৰাকীয়ে ইতিমধ্যে আৰোগ্য লাভ কৰিছে ৷ বৰ্তমান ৰাজ্যত চিকিৎসাধীন হৈ আছে মুঠ 23701গৰাকী ৷

লগতে পঢ়ক : ছাত্ৰবৃত্তিৰ ধন আত্মসাতৰ অভিযোগ প্ৰধান শিক্ষকৰ বিৰুদ্ধে