কোকৰাঝাৰ,1 জুনঃ গোষ্ঠী সংঘৰ্ষই জৰ্জৰিত কৰা কেইটামান পৰিয়াল ৷ বড়ো আৰু আদিবাসী জনগোষ্ঠীৰ গোষ্ঠী সংঘৰ্ষৰ 23 বছৰৰ পাচতো পুনৰ সংস্থাপনৰ সুবিধা লাভ নকৰিলে বহু আদিবাসী পৰিয়ালে ৷ অস্বাহ্যকৰ পৰিৱেশতে বসবাস কৰি আহিছে এই সমূহ পৰিয়ালে ৷ খাদ্য, বস্ত্ৰ, বাসস্থান, খোৱা পানী, চিকিৎসা, পোহৰ, অনাময় আঁচনি আদি সকলো সুবিধাৰ পৰা বঞ্চিত হৈ আহিছে পৰিয়ালকেইটাৰ আটাইবোৰ সদস্যই ৷
1998 চনত দ্বিতীয় বাৰলৈ বড়ো-আদিবাসীৰ মাজত হোৱা গোষ্ঠী সংঘৰ্ষত সৰ্বস্ব হেৰুৱাই ভাৰত-ভূটান সীমান্তৱৰ্তী সৰল পাৰা অঞ্চলৰ আদিবাসী পৰিয়াল সমূহে আশ্ৰয় গ্ৰহণ কৰে গোসাঁইগাঁৱৰ দামৰাপাৰাত (শ্ৰীৰামপুৰ)ত ৷ প্ৰায় 50 টা পৰিয়ালে বিগত 22-23 বছৰে জংগল সদৃশ পৰিৱেশত শিবিৰ পাতিয়ে বাস কৰিছে এই সমূহ লোকে ৷ এইক্ষেত্ৰত,কোনো ধৰণৰ কাণ-সাৰ নাই চৰকাৰী কৰ্তৃপক্ষৰ ৷ আচঁনিৰ পাচত আচঁনি প্ৰস্তুত কৰাৰ পাচতো কোনো আচঁনিয়ে ঢুকি নাপালে এই সকল লোকক ৷ এতিয়া নতুনকৈ গঠিত কেন্দ্ৰীয় চৰকাৰক এই ক্ষেত্ৰত বিহিত ব্য়ৱস্থা গ্ৰহণ কৰিবলৈ দাবী জনাইছে সচেতন মহলে ৷
