কোকৰাঝাৰ, ১০ জুলাাই: কোকৰাঝাৰত লায়ঞ্চ ক্লাৱৰ উদ্যোগত শনিবাৰে এক ৰক্তদান শিৱিৰ অনুষ্ঠিত হয় । কোকৰাঝাৰৰ তেৰাপন্ত ভৱনত অনুষ্ঠিত হোৱা এই ৰক্তদান শিৱিৰত কোকৰাঝাৰ জিলাৰ উপায়ুক্ত মেঘনিধি দাহাল আৰু জিলা আৰক্ষী অধীক্ষক প্ৰতীক বিজয় থুবেই ৰক্তদান কৰে ৷ ৰক্তদানৰ পূৰ্বে জিলা উপায়ুক্ত মেঘনিধি দাহাল আৰু জিলা আৰক্ষী অধীক্ষক প্ৰতীক বিজয় থুবেই কৰ’ণা টেষ্ট কৰে ।
কৰ’ণা টেষ্টৰ ফলাফল নিগেটিভ হোৱাত জিলা উপায়ুক্ত আৰু আৰক্ষী অধীক্ষকে ৰক্তদান কৰে । ইয়াোৰপৰি ৰক্তদান শিৱিৰত লায়ঞ্চ ক্লাৱৰ সদস্যকে ধৰি 40ৰো অধিক লোকে ৰক্তদান কৰে । উল্লেখ্য যে, কৰ'ণা ৰোগত আক্ৰান্ত হৈ কোকৰাঝাৰত বহু লোক এতিয়া চিকিৎসাধীন হৈ আছে ৷ ফলত প্ৰায় সংখ্যক চিকিৎসালয়ৰ ব্লাড বেংক সমূহত ৰক্তৰ অভাৱ হোৱা পৰিলক্ষিত হৈছে ৷
সমান্তৰালকৈ কোকৰাঝাৰতো বহুলোক কৰ'ণাত আক্ৰান্ত হৈ কোকৰাঝাৰ অসামৰিক চিকিৎসালয়ত চিকিৎসাধীন হৈ আছে ৷ ক'ভিডত আক্ৰান্ত হোৱা অথবা জৰুৰী ৰোগী সকলক সকাহ দিয়াৰ উদ্দেশ্যে ৰক্তদান শিৱিৰৰ আয়োজন কৰে লায়ঞ্চ ক্লাৱৰ সদস্যসকলে ৷ কোকৰাঝাৰৰ লায়ঞ্চ ক্লাৱৰ উদ্যোগত অনুষ্ঠিত হোৱা এই ৰক্তদান শিৱিৰত কোকৰাঝাৰৰ উপায়ুক্ত মেঘনিধি দাহাল আৰু আৰক্ষী অধীক্ষক প্ৰতীক বিজয় থুবেই ৰক্তদান কৰে ৷
ইফালে ৰক্ত দানৰ দ্বাৰা এজন লোকৰ জীৱন বচাব পাৰি আৰু প্ৰতিগৰাকী সক্ষম লোকে ৰক্তদান কৰা উচিত বুলি মন্তব্য কৰে আৰক্ষী অধীক্ষক প্ৰতীক বিজয় থুবেই । ৰক্তদান শিৱিৰত কোকৰাঝৰৰ লায়ঞ্চ ক্লাৱৰ সভাপতি মহিত নাহাতা আৰু সম্পাাদক প্ৰানেছ দেবনাথকে ধৰি ক্লাৱৰ সদস্য সকলো উপস্থিত থাকে ৷
লগতে পঢ়ক-এইবাৰ চৰকাৰৰ বিৰুদ্ধে প্ৰতিবাদত নামিল NDFBৰ প্ৰাক্তন সদস্য
