কোকৰাঝাৰ, 26 জানুৱাৰীঃ কোকৰাঝাৰত 71 তম গণৰাজ্য দিৱসৰ ৰাষ্ট্ৰীয় পতাকা উত্তোলন কৰে বিটিচি প্ৰধান হাগ্ৰামা মহিলাৰীয়ে । কোকৰাঝাৰ চৰকাৰী উচ্চতৰ আৰু বহুমুখী বিদ্যালয়ৰ খেলপথাৰত গণৰাজ্য দিৱসৰ পতাকা উত্তোলন কৰে বিটিচি প্ৰধান গৰাকীয়ে ৷ অনুষ্ঠানত হাগ্ৰামা মহিলাৰীয়ে সংবিধান প্ৰনেতা ড৹ বি আৰ আম্বেদকাৰলৈ গভীৰ শ্ৰদ্ধা জ্ঞাপন কৰি ৰাষ্ট্ৰৰ ঐক্য বাৰ্তাই ৰাখি সকলোকে দেশৰ উন্নয়ন আৰু প্ৰগতিৰ হকে কাম কৰি যাবলৈ আহ্বান জনায় ।
আনহাতে, নতুন বড়ো চুক্তিৰ ওপৰত হাগ্ৰামা মহিলাৰীয়ে কয় যে, শীঘ্ৰে এনডিএফবি সৈতে কেন্দ্ৰীয় আৰু ৰাজ্য চৰকাৰে চুক্তি কৰিব, যি চুক্তি বিটিচিবাসীৰ বাবে শান্তি লৈ আহিব । এই চুক্তিত কেৱল বড়ো জনগোষ্ঠীৰ বাবে নহয় , সমগ্ৰ জাতি-জনগোষ্ঠীক সম অধিকাৰৰ বাবে বুলি মন্তব্য কৰে হাগ্ৰামাই ।
উল্লেখ্য যে, নতুন বড়ো চুক্তিত এনডিএফবিৰ চাৰিটা গোট, এবছু, পিজেএচিবিএম,ইউবিপিঅ নেতৃবৰ্গই স্বাক্ষৰ কৰাৰ লগতে গৃহমন্ত্ৰী অমিত শ্বাহ, মুখ্যমন্ত্ৰী সৰ্বানন্দ সোণোৱাল আৰু হাগ্ৰামা মহিলাৰীৰ সাক্ষৰ থাকিব ৷
আৰু পঢ়কঃ ডিব্ৰুগড়ত গ্ৰেণেড বিস্ফোৰণত আলফা স্বাধীন জড়িত থকা সন্দেহ!
