দেৱাশীষ হত্যাকাণ্ডৰ ঘটনাক তীব্ৰ ভাষাৰে গৰিহণা প্ৰমোদ বড়োৰ

এই ঘটনাৰ উচিত তদন্ত কৰি দোষীক উচিত শাস্তি প্ৰদানৰ দাবী জনাই নেতাগৰাকীয়ে ৷

কোকৰাঝাৰ, 31 মে': যোৰহাটৰ মৰিয়নীৰ দেৱাশীষ হত্যাকাণ্ডৰ ঘটনাক তীব্ৰ ভাষাৰে গৰিহণা জনাইছে ইউপিপিএলৰ সভাপতি প্ৰমোদ বড়োৱে । এই ঘটনাৰ উচিত তদন্ত কৰি দোষীক উচিত শাস্তি প্ৰদানৰ দাবী জনাই নেতাগৰাকীয়ে ৷ লগতে কৰ'ণা মহামাৰীৰ পৰা পৰিত্ৰাণ পাবৰ বাবে সকলোকে সাৱধানতা অৱলম্বন কৰিবলৈ আহ্বান জনাইছে প্ৰমোদ বড়োৱে ৷ বিশেষকৈ কোকৰাঝাৰবাসীয়ে এই সন্দৰ্ভত অধিক সাৱধানতা অৱলম্বন কৰিব লাগিব বুলি মত প্ৰকাশ কৰিছে এবছুৰ প্ৰাক্তন নেতা তথা ইউপিপিএলৰ সভাপতি প্ৰমোদ বড়োৱে ৷ কাৰণ জিলাখনত ভয়াৱহ বাবে বৃদ্ধি পাইছে কোভিড-19 ত আক্ৰান্তৰ সংখ্যা ৷

ইয়াৰ লগতে বিটিচিৰ নিৰ্বাচন সন্দৰ্ভত মত প্ৰকাশ কৰি মানুহৰ জীৱনটো লৈ খেলা কৰিব নালাগে বুলি মন্তব্য কৰে প্ৰমোদ বড়োৱে ৷ বিটিচিৰ নিৰ্বাচন পৰিৱেশ সুস্থিৰ হোৱাৰ পাছত পাতিব লাগে বুলি মন্তব্য কৰে নেতা গৰাকীয়ে ৷ কাৰণ নিৰ্বাচন হলেও নহলেও মানুহৰ জীৱন জীয়াই থাকিব লাগিব । নিৰ্বাচন যেতিয়া সম্ভৱ তেতিয়া পাতিব পাৰে বুলি মন্তব্য কৰে ইউপিপিএলৰ সভাপতি প্ৰমোদ বড়োৱে ৷

লগতে পঢ়কঃ চুৰি কৰা গহনা পিন্ধি টিকটক কৰি ৰঙাঘৰৰ আলহী হ'ল যুৱতী