কোকৰাঝাৰত পথ দুৰ্ঘটনা, নিহত 1

এখন তীব্ৰ বেগী আলট্ৰা বাছৰ খুন্দাত থিতাতে সমনি বাসুমতাৰী নামৰ যুৱক এজনৰ মৃত্যু হয় ৷

কোকৰাঝাৰ , 06 মে': কোকৰাঝাৰ চহৰৰ অভাৰ ব্ৰীজৰ কাষত দেওবাৰে সংঘটিত হয় ভয়ংকৰ পথ দুৰ্ঘটনা ৷ এখন তীব্ৰ বেগী আলট্ৰা বাছৰ খুন্দাত থিতাতে মৃত্যু হয় এজন যুৱকৰ ৷

মৃত যুৱকজন কোকৰাঝাৰ চহৰস্থিত গৌৰাং ভেলি হোটেলৰ শক্তি বিভাগত কৰ্মৰত সমনি বসুমতাৰী বুলি চিনাক্ত কৰা হৈছে ৷ যোৱা নিশা বসুমতাৰীয়ে নিজৰ কৰ্ম শেষ কৰি AS-16G-3733 নম্বৰৰ স্কুটী এখনৰে বাঠিপৰাস্থিত ঘৰলৈ আহি থকা অৱস্থাত এখন AS-07C-8196 নম্বৰৰ আল্ট্ৰাৰ স'তে মুখামুখী সংঘৰ্ষ হয় ৷ এই দুৰ্ঘটনাৰ ফলত থিতাতে যুৱকজনৰ মৃত্যু হয় ৷ পৰৱৰ্তী সময়ত ঘটনাস্থলীত আৰক্ষী উপস্থিত হৈ চালক আৰু বাচখন জিম্মাত লৈ তদন্ত প্ৰক্ৰিয়া আৰম্ভ কৰে ৷