কোকৰাঝাৰত অস্ত্ৰসহ এন ডি এফ বি সদস্য গ্ৰেপ্তাৰ

সেনা আৰক্ষীৰ অভিযানত আটক দীপক বসুমতাৰী ওৰফে বি দৈবা ৷

কোকৰাঝাৰ,2 আগষ্ট : কোকৰাঝাৰত আৰক্ষী আৰু সেনাবাহিনীৰ যৌথ অভিযানত বৃহস্পতিবাৰে মাজনিশা এনডিএফবিৰ (এছ) দুৰ্ধৰ্ষ সদস্যক অস্ত্ৰসহ গ্ৰেপ্তাৰ কৰে ৷

দীপক বসুমতাৰী

অস্ত্ৰসহ গ্ৰেপ্তাৰ হোৱা এনডিএফবি সদস্য গৰাকীক দীপক বসুমতাৰী ওৰফে বি দৈবাই বুলি চিনাক্ত কৰা হৈছে ৷ আটকাধীন সদস্য গৰাকীৰ কৱলৰ আৰক্ষীয়ে ৭.৬৫ এমএম পিস্তল এটা,দুই ৰাউণ্ড সজীৱ গুলীৰ উপৰিও বহুতো আপত্তিজনক নথিপত্ৰ জব্দ কৰে ৷ ধৃত এনডিএফবি সদস্য গৰাকী কোকৰাঝাৰ জিলাৰ বিশমূৰীৰ মাইনাও নৌগৰৰ বাসিন্দা আৰু তেওঁ ম্যানমাৰত প্ৰশিক্ষণ লৈছিল ৷ তদুপৰি ধৃত সদস্য গৰাকী এনডিএফবিৰ ৪২ নং বেটছৰ সদস্য আছিল বুলি আৰক্ষীৰ এক সূত্ৰই জানিবলৈ দিছে ৷ সম্প্ৰতি আৰক্ষীয়ে ধৃত সদস্য গৰাকীক মাৰাথন জেৰা অব্যাহত ৰাখিছে ৷