কোকৰাঝাৰ,১৪ জানুৱাৰী: ভোগালী বিহুৰ উলহ-মালহৰ মাজতে কোকৰাঝাৰত আটক অস্ত্ৰ-শস্ত্ৰসহ ধৃত যুৱক ৷ বৃহস্পতিবাৰে সন্ধিয়া কোকৰাঝাৰ জিলাৰ কালিপুখৰীত সেনা আৰু আৰক্ষীয়ে যৌথ অভিযান চলাই অস্ত্ৰ-শস্ত্ৰসহ প্ৰদীপ ৰায় নামৰ যুৱকজনক আটক কৰে। আটকাধীন ধৃত যুৱকজনক কেএলঅ’ৰ লিংকমেন বুলি আৰক্ষীয়ে সন্দেহ প্ৰকাশ কৰিছে । সেনা আৰু আৰক্ষীৰ যৌথ অভিযানত আটক হোৱা সন্দেহযুক্ত কেএলঅ' লিংকমেনজনৰ পৰা এটা পিষ্টল, পিষ্টলৰ মেগজিন আৰু ছয় জাঁই সজীৱ গুলী উদ্ধাৰ কৰে ।
উল্লেখ্য যে, আইপিএছ বিষয়া সিদ্ধাৰ্থ নাহৰে সংবাদ মাধ্যমৰ আগত সদৰী কৰা মতে, এক গোপন সূত্ৰৰ তথ্যৰ ভিত্তিত বৃহস্পতিবাৰে সন্ধিয়া সেনা আৰু আৰক্ষী কালিপুখৰী অঞ্চলত এক যৌথ অভিযান চলায় ৷ উক্ত অভিযানৰ কালছোৱাতে সেনা আৰু আৰক্ষীৰ অভিযানকাৰী দলটোৱে পিষ্টল-গুলীসহ যুৱকজনক আটক কৰে ৷ ইয়াৰ লগতে বিষয়াগৰাকীয়ে প্ৰদীপ ৰায় নামৰ আটকাধীন যুৱকজনক কেএলঅ’ৰ লিংকমেন বুলি সন্দেহ প্ৰকাশ কৰিছে যদিও অধিক তথ্যৰ বাবে জেৰা অব্যাহত ৰখা হৈছে বুলি সদৰী কৰে ৷
লগতে পঢ়ক: বৰপেটাৰ ব্ৰুকলিন মিছন স্কুলৰ অধ্যক্ষৰ ঘৰৰ পৰা ছাত্ৰ সন্ধানহীন
