কোকৰাঝাৰ ১৩ জানুৱাৰী: বিটিআৰৰ সদৰ কোকৰাঝাৰ চহৰৰ নিকটৱৰ্তী চান্দামাৰীস্থিত বড়োফা সাংস্কৃতিক প্ৰকল্পত অহা ২৮ জানুৱাৰীৰ পৰা ৩ ফেব্ৰুৱাৰীলৈ অনুষ্ঠিত হ’ব প্ৰথম আন্তঃৰাষ্ট্ৰীয় নাট্য উৎসৱ ৷ বিটিআৰ চৰকাৰৰ উদ্যোগত লৌৰগী নাট্য দলৰ সহযোগত বড়োলেণ্ডত পোন প্ৰথমবাৰৰ বাবে অনুষ্ঠিত কৰা হ’ব এই নাট্য উৎসৱৰ ৷ বৃহস্পতিবাৰে বিয়লি বডোফা সাংস্কৃতিক প্ৰকল্পত এক সংবাদমেল সম্বোধন কৰি নাট্য উৎসৱৰ সমিতিৰ সঞ্চালক সঞ্জীৱ কুমাৰ ব্ৰহ্মই সদৰি কৰে এই কথা (First International Theater Festival in Kokrajhar) ৷ সঞ্চালক সঞ্জীৱ কুমাৰ ব্ৰহ্মই সংবাদমেলযোগে প্ৰথম আন্তঃৰাষ্ট্ৰীয় নাট্য উৎসৱত অসম তথা বিটিআৰৰ লগতে দেশ - বিদেশৰ সৰ্বমুঠ ১৩ খন প্ৰখ্যাত নাট প্ৰদৰ্শিত কৰা হ’ব বুলি উল্লেখ কৰে ৷
আন্তঃৰাষ্ট্ৰীয় নাট্য উৎসৱত বহিঃৰাষ্ট্ৰ নেপাল, শ্ৰীলংকাৰ উপৰিও দিল্লী, ,পশ্চিমবংগ ,মুম্বাই, মনিপুৰ, ৰাজস্থান, অসম আৰু বিটিআৰৰ মুঠ ১৩ টা প্ৰখ্যাত নাটকৰ দলে অংশগ্ৰহণ কৰিব ৷ প্ৰথম দিনা ২৮ জানুৱাৰীত কেশৱ মুছাহাৰীৰ পৰিচালিত বড়ো ভাষাৰ থ’ক’ন নাট্য প্ৰদৰ্শনেৰে শুভাৰম্ভ হ’ব আন্তঃৰাষ্ট্ৰীয় নাট্য উৎসৱ ২০২৩ (First International Theatre Festival ) ৷
আনহাতে যশস্বী নাট্য পৰিচালক গুনাকৰ দেৱ গোস্বামীৰ দ্বাৰা পৰিচালিত ঘটোৎকোচ পুত্ৰ মোৰ শীৰ্ষক নাটখনো আন্তঃৰাষ্ট্ৰীয় নাট্য উৎসৱত প্ৰদৰ্শিত হ’ব বুলি উল্লেখ কৰে সঞ্চালক সঞ্জীৱ কুমাৰ ব্ৰহ্মই ৷ গুনাকৰ দেৱ গোস্বামীৰ দ্বাৰা পৰিচালিত নাটখনি আন্তঃৰাষ্ট্ৰীয় নাট্য উৎসৱৰ দ্বিতীয় দিনা মঞ্চস্থ হ’ব বুলি জানিবলৈ দিয়ে নাট্য উৎসৱৰ সমিতিৰ সঞ্চালকগৰাকীয়ে ৷
উল্লেখ্য যে, আন্তঃৰাষ্ট্ৰীয় নাট্য উৎসৱখনিত ভাগ ল’বৰ বাবে দেশ-বিদেশৰ 72 খন দেশে আবেদন জনাইছিল বুলি সংবাদমেল যোগে কয় নাট্য উৎসৱৰ সমিতিৰ সঞ্চালকগৰাকীয়ে ৷ ভাৰতৰ উপৰিও শ্ৰীলংকা, নেপাল, ইটালী, টাইৱানৰ দেশৰ নাট্য দলসমূহেও আন্তঃৰাষ্ট্ৰীয় নাট্য উৎসৱখনিত ভাগ ল’বৰ বাবে আবেদন-পত্ৰ আগবঢ়াইছিল যদিও উৎসৱ সমিতিৰ জুৰি দলে 72 টাৰ ভিতৰত কেৱল মাত্ৰ 13 দলকহে নিৰ্বাচিত কৰে আন্তঃৰাষ্ট্ৰীয় নাট্য উৎসৱখনিত প্ৰদৰ্শনৰ বাবে ৷
উল্লেখ্য যে, আন্তঃৰাষ্ট্ৰীয় নাট্য উৎসৱত অংশগ্ৰহণ কৰিবলগীয়া নাট্য দল সমূহক বাহিৰৰ হোটেলৰ পৰিৱৰ্তে গাঁৱৰ পৰিৱেশত বডোফা সাংস্কৃতিক প্ৰকল্পৰ ভিতৰতে ৰখাৰ ব্যৱস্থা কৰা হৈছে বুলি কয় নাট্য উৎসৱৰ সমিতিৰ সঞ্চালকগৰাকীয়ে ৷ ইয়াৰ বাবে বডোফা সাংস্কৃতিক প্ৰকল্পৰ চাৰিওদিশে খেৰীৰ পঁজা ঘৰ নিৰ্মাণ কৰি এক অস্থায়ী গাঁও নিৰ্মাণৰ কাম পূৰ্ণ গতিত অব্যাহত ৰখা হৈছে বুলি সংবাদ মেলখনত উল্লেখ কৰে উদ্যোক্তা সমিতিয়ে ৷
লগতে পঢ়ক : Illegal train ticket booking racket: ৰেলৰ টিকটৰ অবৈধ ব্যৱসায় কৰাৰ অপৰাধত গ্ৰেপ্তাৰ দুজন
