কোকৰাঝাৰ, 3 অক্টোবৰ: শাৰদীয় দুৰ্গোৎসৱ উপলক্ষে ৰাজ্যৰ চৌপাশে বিৰাজ কৰিছে এক উখল-মাখল পৰিৱেশ (Durga Puja in Assam) ৷ পুৰোহিতৰ মন্ত্ৰোচ্চাৰণ আৰু পূজা-অৰ্চনাৰে ৰাজ্যজুৰি চলিছে দেৱী দুৰ্গাৰ আৰাধনা (Durga Puja 2022) ৷ শংখ, ঘণ্টা, মাংগলিক ধ্বনিৰে মুখৰিত ৰাজ্যৰ চৌপাশ ৷ চাৰিওফালে কেৱল দেৱীৰ বন্দনা-অৰ্চনা ৷ মুঠতে চৌদিশে পূজাৰ এক সুন্দৰ পৰিৱেশৰ মাদকতা ৷
এই ক্ষেত্ৰত ব্যতিক্ৰম নহয় মিশ্ৰিত জনগাঁথনিৰে সম্প্ৰীতিৰ চানেকি বহন কৰা কোকৰাঝাৰৰ নিকটৱৰ্তী হৰিণাগুৰি (Durga Puja Celebrates in Kokrajhar) ৷ ঐতিহাসিক বাওঁখুংগ্ৰী পাহাৰৰ নামনিত সুন্দৰ মনোমোহা প্ৰাকৃতিক সৌন্দৰ্যৰে আৱৰা হৰিণাগুৰি দুৰ্গা মন্দিৰ প্ৰাংগনত এইবেলি উদযাপন কৰা হৈছে সোণালী জয়ন্তী বৰ্ষ ৷ মূলতঃ গোৰ্খা সম্প্ৰদায়ৰ উদ্যোগত হৰিণাগুৰিত দুৰ্গোৎসৱ পালন কৰা হয় যদিও অঞ্চলটোত বসবাস কৰা বড়ো, ৰাভা, কোচ ৰাজবংশী আদি বিভিন্ন জনগোষ্ঠীৰ ৰাইজেও সহযোগিতা আগবঢ়াই আহিছে ৷
১৯৪৭ চনতে স্থাপিত হৰিণাগুৰি দুৰ্গা পূজাভাগে এইবাৰ সোণালী জয়ন্তী বৰ্ষ গৰকা উপলক্ষে দেওবাৰে অৰ্থাৎ সপ্তমীৰ বিয়লী এক সাংস্কৃতিক শোভাযাত্ৰা উলিওৱা হয় (Cultural procession in Kokrajhar) ৷ সাংস্কৃতিক শোভাযাত্ৰাত অংশগ্ৰহণ কৰে পুৰুষ-মহিলা, যুৱক-যুৱতী, কণ কণ শিশুকে আদি কৰি সকলো (Harinaguri Unique traditional Gorkha community golden jubilee Durga Puja) ৷
ইফালে পুৰুষ-মহিলা, যুৱক -যুৱতী আৰু কণ কণ শিশুসকলে পৰম্পৰাগত বাদ্য-যন্ত্ৰ বাদনৰ লগতে নৃত্য-গীত পৰিৱেশন কৰি বাওঁখুংগ্ৰী পাহাৰৰ পৰা ন বিধ বিভিন্ন প্ৰজাতিৰ ফুলৰ পাত সংগ্ৰহ কৰে ৷ বিজয়া দশমীৰ দিনা দেৱী দুৰ্গাৰ মৃন্ময় মূৰ্তি বিসৰ্জনৰ সৈতে সেই ফুলৰ পাতসমূহ বিসৰ্জন কৰা হ’ব বুলি জানিবলৈ দিয়ে আয়োজক সমিতিয়ে ৷
সাংস্কৃতিক শোভাযাত্ৰাত অংশ লৈ বিটিআৰৰ পাৰিষদ তথা বিটিআৰৰ মুখ্য কাৰ্যবাহী প্ৰমোদ বড়োৰ ৰাজনৈতিক উপদেষ্টা মাধৱ ছেত্ৰীয়ে ৰাইজলৈ শাৰদীয় দুৰ্গোৎসৱৰ শুভেচ্ছা জ্ঞাপন কৰে ৷
উল্লেখ্য যে, শাৰদীয় নৱৰাত্ৰিৰ সপ্তমটো দিনত অৰ্থাৎ মহাসপ্তমীৰ দিনটোত দেৱী দুৰ্গাৰ কালৰাত্ৰি ৰূপৰ পূজা কৰা হয় আৰু ভক্তসকলে উপবাস ৰাখে । দেৱী কালৰাত্ৰিৰ ৰূপটো অতিকে দুৰ্ধৰ্ষ, ভয়ানক আৰু শৰীৰৰ বৰণ ক'লা । কালৰাত্ৰি দেৱীয়ে শত্ৰুৰ ওপৰত ভয় তথা ত্ৰাসৰ সৃষ্টি কৰে, সেইবাবেই তেওঁক কালৰাত্ৰি বুলি কোৱা হয় । ৰক্তবীজৰ বধৰ সময়ত দেৱী দুৰ্গাই কালৰাত্ৰিৰ ৰূপ লৈছিল বুলি আছে জনবিশ্বাস ৷
লগতে পঢ়ক: মহাসপ্তমী উপলক্ষে জোনাইত উখল-মাখল পৰিৱেশ
