কোকৰাঝাৰ ৩১ মাৰ্চ: কোকৰাঝাৰ জিলাৰ অসম বংগ সীমান্তৱৰ্তী গোসাঁইগাঁও মহকুমাৰ শ্ৰীৰামপুৰ কম্পজিট গেটৰ ভিতৰত থকা অস্থায়ী শিবিৰত বুধবাৰে পুৱা এজন চি আৰ পি এফ জোৱানৰ ৰহস্যজনক আত্মহত্যাৰ ঘটনাই তীব্ৰ চাঞ্চল্যৰ সৃষ্টি কৰিছে । আত্মহত্যা কৰা জোৱান জনক শ্ৰীৰামপুৰত থকা G129NB বাহিনীৰ জয়মাল খান বুলি চিনাক্ত কৰা হৈছে ।
জোৱানজনে আত্মহত্যা কৰা বুলি বিষয়াই প্ৰকাশ কৰে যদিও ইয়াক লৈ সন্দেহ সৃষ্টি হৈছে । প্ৰকৃততে এয়া আত্মহত্যা নে হত্যা সেয়া স্পষ্ট হোৱা নাই।
জানিব পৰা মতে, শিবিৰত থকা বাংকাৰত পহৰা দি থকা অৱস্থাত আত্মহত্যা কৰে জোৱানজনে । নিজা মাৰণাস্ত্ৰৰে মূৰত গুলীয়াই আত্মহত্যা কৰে জোৱানজনে । সম্প্ৰতি ঘটনাস্থলীত আৰক্ষী বিষয়া উপস্থিত হৈ ঘটনাৰ তদন্ত অব্যাহত ৰাখিছে ৷
লগতে পঢ়কঃ সতীৰ্থক নিৰ্বাচনী কাম আগবঢ়াবলৈ আহ্বান লুৰিণৰ
