কৰিমগঞ্জ, 10 জুন : কৰিমগঞ্জৰ মানিকন্দ গাঁৱত সংঘটিত হৈছে এক চাঞ্চল্যকৰ হত্যাকাণ্ড ৷ গাঁওখনৰ এগৰাকী বিধৱা মহিলাৰ মৃত্যু কেন্দ্ৰ কৰি গাঁওখনত সৃ্ষ্টি হৈছে তীব্ৰ উত্তেজনা ৷ গাঁওখনৰ বুলজয় সিয়েক চৰৈ নামৰ এজন যুৱকৰ বিৰুদ্ধে উত্থাপন হৈছে হত্যাৰ অভিযোগ ৷ ঘটনা অনুসৰি, মহিলাগৰাকীৰ সৈতে যুৱকজনৰ দীৰ্ঘদিনে আছিলে সম্পৰ্ক ৷ প্ৰায়ে মহিলাগৰাকীৰ ঘৰলৈ আহ-যাহ কৰিছিল যুৱকজনে ৷ কিন্তু প্ৰায় 20 বছৰ পূৰ্বে বিবাহ পাশত আৱদ্ধ হোৱা মহিলা গৰাকী এটি পুত্ৰ সন্তানৰ মাতৃ ৷
কিন্তু মঙলবাৰে হঠাতে যুৱকজনে মহিলাগৰাকীৰ ঘৰত প্ৰৱেশ কৰাৰ পাচতে দুয়োৰে মাজত বাক-বিতণ্ডাৰ সৃষ্টি হয় ৷ দুয়োৰে মাজত হোৱা সংঘাতে পৰৱৰ্তী সময়ত লয় ভয়ংকৰ ৰূপ আৰু যুৱকজনৰ প্ৰহাৰত মহিলা গৰাকীয়ে থিতাতে প্ৰাণ হেৰুৱাই ৷ কিন্তু ৰাতিপুৱা শুই উঠি মাতৃক উঠাবলৈ গৈ মূমুৰ্ষ অৱস্থাত মাতৃৰ মৃতদেহ উদ্ধাৰ কৰে মহিলাগৰাকীৰ সন্তানে ৷ শৰীৰত আঘাতৰ চিন স্পষ্ট হৈ থকাত হুৱাদুৱা লাগে গাঁওখনত ৷ লগে লগে বাজাৰিছৰা আৰক্ষী থানা খবৰ দিয়াত আৰক্ষীৰ লোক ঘটনাস্থলীত উপস্থিত হৈ মৃতদেহ উদ্ধাৰ কৰাৰ লগতে যুৱকজনক আটক কৰে ৷
লগতে পঢ়ক: প্ৰাপ্যৰ দাবীত চিজুছা বন্যপ্ৰাণী অভয়াৰণ্যত বনকৰ্মীৰ প্ৰতিবাদ
