কৰিমগঞ্জ, 6 মে’: কৰিমগঞ্জত অব্যাহত আছে মঠ মন্দিৰ চোৰৰ লুটপাত । এইবাৰ চোৰৰ টাৰ্গেট দক্ষিণ কৰিমগঞ্জৰ পেচাৰপাৰ গাঁৱৰ বালাজী মন্দিৰ । ভাৰত-বাংলাদেশ সীমান্তৱৰ্তী এখন গাঁও হৈছে পেচাৰপাৰ ।
নিশা পাঁচ জনীয়া অস্ত্ৰধাৰী দলে পুৰোহিতৰ ঘৰৰ দুৱাৰ ভাঙি ঘৰত প্ৰৱেশ কৰাৰ লগতে চোকা অস্ত্ৰ দেখুৱাই পুৰোহিতৰ পৰা লৈ যায় মন্দিৰৰ চাবি । মন্দিৰত প্ৰৱেশ কৰি চোৰে লুটি নিলে নগদ ধন, আ অলংকাৰ সহ বহু মূল্যবান সামগ্ৰী।
ঘটনাস্থলীত উপস্থিত কৰিমগঞ্জৰ আৰক্ষী অধীক্ষক মায়ংক কুমাৰ, ডি.এচ.পি সুধন্য শুক্লবৈদ্য, পাথাৰকান্দি আৰক্ষীৰ বিশাল বাহিনীৰ সমান্তৰালকৈ সীমান্ত সুৰক্ষা বাহিনী । অপেক্ষাৰত অৱস্থাত সকলো ৷ স্নিফাৰ ডগ অহাৰ পিছত আৰম্ভ হ’ব তদন্ত । উল্লেখ্য যে, মন্দিৰত চুৰিৰ ঘটনাই কৰিমগঞ্জত সৃষ্টি কৰিছে তীব্ৰ চাঞ্চল্যৰ ।
লগতে পঢ়ক:শপত গ্ৰহণৰ বাবে সাজু ৰাজভৱন: অনিশ্চয়তাত শপত লওতাৰ নাম
