কৰিমগঞ্জত ভয়াৱহ পথ দুৰ্ঘটনা : নিহত এক

কৰিমগঞ্জৰ আকবৰপুৰত সংঘটিত এক ভয়াৱহ দুৰ্ঘটনাত প্ৰাণ হেৰুৱালে এজন লোকে ৷ এখন ট্ৰাকে আন এখন ট্ৰাকক অতিক্ৰম কৰিবলৈ যাওঁতেই মহতিয়াই নিয়ে আৰকান আলী নামৰ লোকজনক ৷

কৰিমগঞ্জ,22 অক্টোবৰ : কৰিমগঞ্জৰ আকবৰপুৰত মঙলবাৰে সংঘটিত হোৱা এক ভয়াৱহ পথ দুৰ্ঘটনাত প্ৰাণ হেৰুৱাই এজন ব্যক্তিয়ে ৷ ঘটনাৰ বিৱৰণী অনুসৰি,আকবৰপুৰ গাঁৱৰ আৰকান আলী নামৰ লোকজন বজাৰ কৰি ঘৰলৈ উভতাৰ পথত এই দুৰ্ঘটনা সংঘটিত হয় ৷ উক্ত সময়তে এখন ট্ৰাকে আন এখন ট্ৰাকক অতিক্ৰম কৰিবলৈ যাওঁতেই আৰকান আলীক মহতিয়াই নিয়ে ৷ ইয়াৰ ফলত থিতাতে নিহত হয় আৰকান আলী ৷

উক্ত ঘটনা সংঘটিত কৰিয়ে ঘটনাস্থলীৰ পৰা পলায়ন কৰে ঘাতক ট্ৰাকখন ৷ জানিব পৰা মতে,মৃত লোকজন পেশাত এজন ঠেলা চালক আছিল ।