কৰিমগঞ্জ,8 জানুৱাৰী: কৰমগঞ্জত ড্ৰাগছ সহ আটক যুৱক ৷ যুৱকৰ লগত থকা হেলমেটৰ পৰা আৰক্ষীয়ে উদ্ধাৰ কৰে ড্ৰাগছখিনি ৷ কৰিমগঞ্জৰ জনৈক চুমন দে নামৰ যুৱকজনক আটক কৰি আৰক্ষীয়ে কেইবা টোপোলা নিচাযুক্ত সামগ্ৰী জব্দ কৰে ৷ চুমনৰ উপৰিও আন দুজন যুৱককো আটক কৰে আৰক্ষীয়ে ৷ কিন্তু আৰক্ষীয়ে আটৰ কৰাৰ লগে লগে ড্ৰাগছ আসক্তৰ অভিনয় আৰম্ভ কৰে যুৱকজনে ৷ ততাতৈয়াকৈ চুমনক চিকিৎসালয়লৈ লৈ অনা হয় ৷
কিছু সময় পিছতেই চিকিৎসালয়ত আহি উপস্থিত হয় চুমনৰ পৰিয়ালবৰ্গ ৷ পৰিয়ালৰ লোকে চিকিৎসালয়ত চিঞঁৰ বাখৰ কৰাৰ ফলত কিছু উত্তেজনাময় পৰিস্থিতিৰ সৃষ্টি হয় ৷ আনহাতে, বাতৰি সংগ্ৰহৰ বাবে উপস্থিত হোৱা সাংবাদিকক উদ্দেশ্যিও অশালীন মন্তব্য কৰে চুমনৰ পৰিয়ালৰ লোকে ৷ লগতে সাংবাদিকৰ কেমেৰা কাঢ়ি লোৱাৰো চেষ্টা কৰে ৷ অৱশেষত পৰিস্থিতি নিয়ন্ত্ৰণৰ বাবে চিকিৎসালয় চৌহদত উপস্থিত হয় আৰক্ষী ৷
