কৰিমগঞ্জ,11 জানুৱাৰীঃ দেশ জোকাৰি যোৱা হায়দৰাবাদৰ পশু চিকিৎসক ধৰ্ষণ আৰু হত্যাকাণ্ডৰ অনুৰূপ এক ঘটনা সংঘটিত হৈছে কৰিমগঞ্জত ৷ বিগত 5 জানুৱাৰীত কৰিমগঞ্জৰ কালিগঞ্জত দলঙৰ তলত উদ্ধাৰ হৈছিল এগৰাকী যুৱতীৰ মৃতদেহ ৷ এগৰাকী যুৱতীক দুৰ্বৃত্তই ধৰ্ষণ কৰি হত্যা কৰাৰ সন্দেহ কৰিছিল আৰক্ষীয়ে ৷ স্থানীয় লোকৰ অভিযোগ অনুসৰি যুৱতীগৰাকীক আজমল নামৰ এজন যুৱকৰ সৈতে কথা পাতি থকা প্ৰত্যক্ষ কৰিছিল বহু লোকে ৷ পৰৱৰ্তী সময়ত আৰক্ষীয়ে অনুসন্ধান চলাই আটক কৰে তিনি অভিযুক্ত ছাদ্দাম হুছেইন,আজমল হুছেইন আৰু ফয়জুল মিঞাক ৷ শুকুৰবাৰে আৰক্ষীয়ে তিনিওকে কৰিমগঞ্জ আদালতত হাজিৰ কৰাই নিজৰ জিম্মাত লৈ ঘটনাস্থলীত উপস্থিত কৰাই সমগ্ৰ ঘটনাৰ বুজ লয় ৷
অভিযুক্তকাৰীয়ে ব্যক্ত কৰা ভাষ্য অনুসৰি বিগত 25 ডিচেম্বৰত আজমল হুছেইন নামৰ যুৱকজনে যুৱতী গৰাকীক ফোন যোগে মাতি আনে ৷ যুৱতীগৰাকীক MZ-06-1481 নম্বৰৰ ছুম’ গাড়ীত উঠাই লৈ যায় দুৰ্বৃত্তৰ দলটোৱে ৷ পৰৱৰ্তী সময়ত যুৱতীগৰাকীক ধৰ্ষণ কৰি পুৱতি নিশা মৃতদেহটো প্ৰায় তিনি কিলোমিটাৰ আঁতৰৰ কাকৰা নৈত পেলাই দিছিল ৷
লগতে পঢ়ক-আগন্তুক বড়ো সাহিত্য সভাৰ ৫৯ সংখ্যক অধিৱেশনৰ প্ৰস্তুতি তুংগত
