কৰিমগঞ্জ,11 ডিচেম্বৰ : ৰাজ্যত পুনৰ বন্য হস্তীৰ আক্ৰমণত প্ৰাণ গ’ল এগৰাকী ব্যক্তিৰ ৷ কৰিমগঞ্জৰ পাথাৰকান্দিত সংঘটিত হৈছে এই ঘটনা ৷ পাথাৰকান্দিৰ পুতিনি চাহ বাগিচাৰ নেহেৰু ক্লাৱৰ সন্মুখত বন্য হস্তীৰ আক্ৰমণত প্ৰাণ যোৱা ব্যক্তি গৰাকীৰ নাম ৰাজু সাহা বুলি স্থানীয় লোকে জানিবলৈ দিয়ে ৷
উল্লেখযোগ্য যে, পাথাৰকান্দি অঞ্চলটোত ৰ্দীঘ দিনৰ পৰাই বন্য হস্তীয়ে উপদ্ৰব চলাই আহিছে ৷ খাদ্যৰ সন্ধানত বনাঞ্চলৰ পৰা জনাঞ্চললৈ ওলাই আহি হাতীৰ জাকটোৱে খেতি পথাৰ তহিলং কৰাত ৰাইজ আতংকিত হৈ পৰিছে ৷ প্ৰতিদিনৰ দৰে বৃহস্পতিবাৰে কাম বাবে ঘৰৰ পৰা ওলাই যোৱাৰ সময়তে অৰ্তকিতে আক্ৰমণ কৰে ৰাজু চাহা নামৰ ব্যক্তি জনক ৷ ইপিনে গুৰুত্বৰ ভাবে আহত হোৱা ৰাজু চাহাক পাথাৰকান্দি চিকিৎসালয়ত ভৰ্তি কৰোৱা হয় যদিও চিকিৎসালয়তে মৃত্যু হয় ৷ সম্প্ৰতি সমগ্ৰ ঘটনাক কেন্দ্ৰ কৰি অঞ্চলটোত আতংকৰ সৃষ্টি হোৱা পৰিলক্ষিত হৈছে ৷
লগতে পঢ়কঃ CAA বিৰোধিতাৰে পুনৰ হুংকাৰ অখিল গগৈৰ
