কৰিমগঞ্জ, 11 জুলাই : কৰিমগঞ্জৰ সুবাস নগৰত সোমবাৰে উদ্ধাৰ হয় এটা কিশোৰৰ মৃতদেহ(Boy Death in karimganj) । উদ্ধাৰ হোৱা যুৱকজন বিজয় দত্ত(17) বুলি জানিব পৰা হৈছে । পুখুৰীত গা ধুবলৈ গৈ নিৰুদ্দেশ হৈছিল কিশোৰটি ৷ স্থানীয় লোকে কিশোৰটোক উদ্ধাৰ কৰিবলৈ চেষ্টা কৰিও ব্যৰ্থ হোৱাত কৰিমগঞ্জৰ এছ ডি আৰ এফ বাহিনীক খবৰ দিয়ে ৷
এছ ডি আৰ এফৰ দল ঘটনাস্থলীত আহি ডুবাৰুৰ সহায় অভিযান চলাই কিশোৰটিৰ মৃতদেহ উদ্ধাৰ কৰিবলৈ সক্ষম হয় ৷ যুৱকজনৰ অকাল মৃত্যুক লৈ সমগ্ৰ অঞ্চলটোত শোকৰ ছাঁ পৰিছে ৷ কিশোৰটিয়ে প্ৰচণ্ড গৰমৰ বাবে পুখুৰীত গা ধুবলৈ গৈছিল । কিন্তু তেওঁ পানী থকা স্থানত পৰাত সাতুৰিব নজনাত অকাল মৃত্যুক আকোঁৱালি লয় ৷
লগতে পঢ়ক : মহানগৰীত পিতৃয়ে হত্যা কৰিলে পুত্ৰক: ভাড়াঘৰৰ পৰা উদ্ধাৰ আন এটা মৃতদেহ
