কৰিমগঞ্জ, 27 জুলাই : আৰক্ষী সঞ্চালক প্ৰধান ভাস্কৰ জ্যোতি মহন্তই (DGP Bhaskar Jyoti Mahanta) বুধবাৰে কৰিমগঞ্জ জিলাৰ ভাৰত বাংলাদেশ সীমান্ত পৰিদৰ্শন কৰে(DGP Bhaskar Jyoti Mahanta visit Indo Bangla border) । কৰিমগঞ্জত উপস্থিত হৈ আৰক্ষী সঞ্চালক প্ৰধানগৰাকীয়ে প্ৰথমে কৰিমগঞ্জ চহৰৰ উন্মুক্ত নদী সীমান্ত পৰিদৰ্শন কৰে ।
সীমান্ত সুৰক্ষাৰ বাহিনীৰ সাত নং বেটেলিয়নৰ ষ্টিমাৰঘাট সীমান্ত পহৰা চকীত উপস্থিত হৈ বিএছএফৰ স্পীড ব’টেৰে কুশিয়াৰা নৈৰ চাৰে তিনি কিলোমিটাৰ উন্মুক্ত অংশ পৰিদৰ্শন কৰি জাৰাপাতালৈ যায় আৰক্ষী সঞ্চালক প্ৰধানগৰাকী । জাৰাপাতাত আৰক্ষীৰ ছেকেণ্ড লাইন ডিফেন্স প’ষ্টত উপস্থিত হৈ পৰিদৰ্শন কৰাৰ লগতে পৰিস্থিতি বুজ লয় সঞ্চালক প্ৰধানগৰাকীয়ে ৷
ইয়াৰ পাছত তেওঁ লাফাশাইলত কাঁইটীয়া তাঁৰৰ বেৰাৰ বাহিৰৰ গাঁৱত উপস্থিত হৈ সীমান্ত এলেকাৰ লগতে গাঁৱৰ পৰিস্থিতিৰ বুজ লয় (DGP in Border visit) ৷ আৰক্ষী সঞ্চালক প্ৰধান ভাস্কৰ জ্যোতি মহন্তই উক্ত স্থান পৰিদৰ্শন কৰি উভতি আহি সীমান্ত সুৰক্ষা বাহিনীৰ সাত নং বেটেলিয়নৰ মুখ্য কাৰ্যালয় মাইজডিহিত এখন সভাত মিলিত হয় ৷
লগতে পঢ়ক : Jihadi linkman arrested: বঙাইগাঁৱত জেহাদীৰ লিংকমেন গ্ৰেপ্তাৰ
