কৰিমগঞ্জ , 16 নৱেম্বৰ : কৰিমগঞ্জৰ দোহালিয়াত সংঘটিত হৈছে এক ভয়াৱহ পথ দুৰ্ঘটনা৷ দ্ৰুত গতিত থকা এখন মালবাহী মেজিক বাহনে আহি খুন্দা মাৰে 6 বছৰীয়া শিশুটোক৷ "দোহালিয়া কোৰক বিকাশ বিদ্যালয়" নামৰ বেচৰকাৰী স্কুলৰ ছাত্ৰ অভিজিত দাস ৷ নিজ মাতৃৰ লগত অ'টোৰ পৰা ঘৰৰ সম্মুখত নমাৰ সময়তে দ্ৰুত গতিত থকা মেজিক খনে খুন্দা মৰাৰ ফলত 6 বছৰীয়া শিশুটো গাড়ীৰ তলত সোমাই গুৰুত্বৰ ভাৱে আহত হয় ৷ ঘটনাৰ পিছত স্থানীয় ৰাইজ উত্তেজিত হৈ আছিমগঞ্জ -ঈশানছৰা পথ অৱৰোধ কৰে৷ ঘটনাস্থলীত উপস্থিত হয় পাথাৰকান্দি আৰক্ষী আৰু পাথাৰকান্দিৰ চক্ৰ বিষয়া এল খিংতে । আৰক্ষীয়ে ইতিমধ্যে TR.02 1876 নম্বৰৰ চালক মইনুল ইছলামক গ্ৰেপ্তাৰ কৰিছে ৷ গুৰুতৰভাৱে আহত হোৱা অভিজিৎক কৰিমগঞ্জ অসামৰিক হাস্পতাললৈ নিয়া হৈছিল যদিও অৱস্থা অধিক সংকটজনক হোৱা বাবে শিলচৰ মেডিকেল কলেজলৈ প্ৰেৰণ কৰা হয় ৷
আৰু পঢ়ক : ৰহাত পথ দুৰ্ঘটনা: এটি শিশুসহ ৬ জন আহত
