কৰিমগঞ্জ,19 মাৰ্চঃ কৰিমগঞ্জত লোক সভা নিৰ্বাচনৰ কংগ্ৰেছৰ প্ৰাৰ্থী হিচাপে স্বৰূপ দাসক ঘোষণা কৰাৰ লগে লগে একাংশ কংগ্ৰেছ দলীয় কৰ্মীৰ মাজত সৃষ্টি হৈছে অন্তকন্দল ৷ টিকত প্ৰত্যাশী সকলে সংবাদ মাধ্যমযোগেস্বৰুপ দাসৰ অনুসুচিত জাতিৰ প্ৰমাণ পত্ৰ ভুৱা বুলি দাবী কৰাৰ লগতে বিকল্প প্ৰাৰ্থীক টিকট দিয়াৰ দাবী কৰে কৰিমগঞ্জ জিলা কংগ্ৰেছৰ নেতৃবৃন্দই ৷
উল্লেখ্য যে কৰিমগঞ্জ জিলা কংগ্ৰেছ দলেকিছুদিন পূৰ্বে প্ৰাৰ্থী বিচাৰী আবেদন জনাইছিল | সেই আবেদনৰ ভিত্তিত 10জন প্ৰাৰ্থীয়ে আবেদন কৰিছিল ৷ কিন্তু 50হেজাৰকৈ টকা ঘোষ দি টিকট লোৱা বুলি অভিযোগ তোলে স্বৰুপ দাসৰ বিৰুদ্ধে একাংশ দলীয় নেতৃত্বই| টিকট বঞ্চিত জিলা সভাপতি সতু ৰয়ে ICC ৰ সাধাৰণ সম্পাদক হৰিচ ৰাৱাটৰ নিকট স্বৰুপ দাসৰ কাস্ট চাৰ্টিফিকেট লৈ সন্দেহ প্ৰকাশ কৰি পত্ৰ প্ৰেৰণ কৰিছিল | 10জন প্ৰাৰ্থীৰ মাজত স্বৰূপ দাসৰ বিতৰ্ক থকাৰ পাছতো কংগ্ৰেছে কোন উদ্দেশ্য লৈ তেঁওক প্ৰাৰ্থীত্ব প্ৰদান কৰিলে সেই লৈ ক্ষুব্ধ হৈ পৰিছে জিলা কংগ্ৰেছ দলৰ সদস্য সকলৰ মাজত| ৰাজ্যিক আৰু কেন্দ্ৰীয় নেতৃত্বৰ ওচৰত দাবী যে দাসৰ বিৰুদ্ধে বিহিত ব্যৱস্থা লৈ সমষ্টিতোট যাতে বিৰল্প ST প্ৰাৰ্থী ঘোষণা কৰে কৰিমগঞ্জৰ কংগ্ৰেছ নেতৃবৃন্দই৷
