মাকুন্দা খ্ৰীষ্টান মিছনেৰী চিকিৎসালয়ত চিকিৎসা সামগ্ৰী প্ৰদান শচীন তেণ্ডুলকাৰৰ

কৰিমগঞ্জৰ খনৰ বাজাৰিছড়া এলেকাত অৱস্থিত মাকুন্দা খ্ৰীষ্টান মিছনেৰী চিকিৎসালয়ত চিকিৎসা সামগ্ৰী প্ৰদান কৰে শচীন তেণ্ডুলকাৰে ৷ এই সামগ্ৰী সমূহৰ পৰা প্ৰায় 2000 শিশুৰ চিকিৎসা প্ৰদানত সুবিধা হ'ব ।

কৰিমগঞ্জ, 14 নৱেম্বৰঃ কৰিমগঞ্জৰ চেৰিটেবল চিকিৎসালয়ত সামগ্ৰী প্ৰদান কৰিলে ক্ৰিকেটৰ ঈশ্বৰ হিচাপে খ্যাত শচীন তেণ্ডুলকাৰে । কৰিমগঞ্জৰ খনৰ বাজাৰিছড়া এলেকাত অৱস্থিত মাকুন্দা খ্ৰীষ্টান মিছনেৰী চিকিৎসালয়ত প্ৰদান কৰে এই সামগ্ৰী ৷

শচীন তেন্ডুলকাৰে প্ৰদান কৰা চিকিৎসা সামগ্ৰীৰ ভিতৰত মূলতঃ পেডিয়াট্ৰিক ইনটেনছিভ কেয়াৰ ইউনিট আৰু ন্যাটাল কেয়াৰ ইউনিটত ব্যৱহাৰ কৰা হ'ব বুলি জানিবলৈ দিছে চিকিৎসালয় কৰ্তৃপক্ষই ৷ তদুপৰি এই সামগ্ৰী সমূহৰ পৰা প্ৰায় 2000 শিশুৰ চিকিৎসা প্ৰদানত সুবিধা হ'ব ।

উল্লেখযোগ্য যে, বৰাক উপত্যকাৰ বিভিন্ন প্ৰান্তৰ সমান্তৰালকৈ চুবুৰীয়া ৰাজ্যৰ ত্ৰিপুৰাৰ লোকক উন্নত চিকিৎসা সেৱা প্ৰদান কৰি আহিছে মাকুন্দা খ্ৰীষ্টান মিছনেৰী চ়িকিৎসালয়ে ৷

লগতে পঢ়কঃদিপাৱলী উপলক্ষে সৈনিকৰ সৈতে প্ৰধানমন্ত্ৰী লাইভ